Puke 'e he kau polisi tangata 'i Ma'ufanga tauhi faito'o konatapu ^Featured

Na'e puke 'a e tangata ko'eni 'i he 'aho Monite 23 'a ia koe 'aho Monite ia 'o e uike ni pe na'e fe'unga 'a e lahi 'o e faito'o ko'eni 'a ia ko e methamphetamine kalami 'e 4.72  pehe ki he maliuana kalami 'e 23.03 fakataha mo e pa'anga.

Na'e fakaha 'e he Pule Polisi 'o e 'Apitanga Nuku'alofa Tevita Vailea koe tu'o ua 'eni hono fakahoko 'e he va'a fo'ou ko'eni hano puke mai 'o kinautolu 'oku nau fakahoko 'a e hia ni 'a ia 'oku uesia heni 'a e to'utupu, ngaahi famili pehe ki he Komiuniti.

'I he fakamatala 'a Vailea 'oku ngaue atu  'a e Potungaue ke puke pea faka'ilo 'a e kakai 'oku nau fakahoko 'a e ngaue pango ko'eni 'a ia 'oku tapu mamahi 'i he lao.

Na'e toe tapou foki 'e Vailea ki he kakai 'o e fonua kapau 'oku ma'u 'eha taha ha fakamatala fekau'aki mo kinautolu 'oku nau fakahoko 'a e ngaahi ngaue pango ko'eni 'o fekua'aki mo e faito'o konatapu pea fetu'utaki ange ki he Potungaue Polisi Telefoni fika 23417.

Kuo fakailo foki 'a e tangata ko'eni na'e puke mei Ma'ufanga pea 'oku kei hokohoko atu pe 'a e fakatotolo 'a e kau Polisi.