Tu’utu’uni ‘e he Tu’i Fakamaau Lahi ke puke ‘a 'Onitulei Manu ko e talangata'a ki he Fakamaau'anga Featured
7 ‘Epeleli, 2018. Nae tu’utu’uni ‘e he Tu’i Fakamaau Lahi Owen Paulsen ‘i he Fakamaau’anga Lahi ‘aneafi ke puke ‘a ‘Onituei Manu ‘o fakahu Pilisone koe talangata'a ki he Fakamaau'anga pea toe li’aki hopo.
Na’e makatu’unga ‘eni ‘i ha kole ‘a e Talatalaki ‘a e Pule’anga ‘i he ‘ikai ke ‘asi ange ‘a ‘Onitulei ki he hopo na’e faka’aho ‘i he Fakamaau’anga Lahi ‘aneafi Falaite 6 ‘o ‘Epeleli, 2018.
Na’e mahino foki ‘i he fakamatala mei he tafa’aki ‘a e Talatalaaki na’e kole folau ‘a 'Onitulei Manu ki muli pea na’e ‘i ai mo e ngaahi tu’utu’uni kiate ia ke kene fakahoko hili 'ene folau ka na’e a’u mai ki he ui ‘o e hopo ni ‘oku ‘ikai ‘asi ange ‘a ‘Onitulei Manu ia ki he Fakamaau'anga Lahi.
Ko e hopo foki ‘eni fekau’aki mo hono faka’ilo ‘o ‘Onitulei Manu mo ‘Aisata Masima ki hono taa’i mo fakalavea’i ‘a e Kelekolio Tapueluelu ‘i he ta’u 2017.
Na'e tu'utu'uni ai 'e Tu'i Fakamaau Lahi Owen Paulsen ke puke 'a 'Onitulei Manu 'o 'o tauhi koe talangata'a ki he Fakamaau'anga.
Na’e ha pe foki ‘a ‘Asiata Masima ia ‘i he Fakamaau’anga ka ‘oku ma’u ‘e he ongoongo ni ha fakamatala falala’anga ‘oku ‘i Tonga ni pe ‘a ‘Onitulei Manu ia.
2 comments
-
KO E KAU TANGATA-FAI-FAKAMAMAHI (HENCH-MEN) 'A PALEMIA 'AKILISI POHIVA: 'Oku faka'ilo 'a e toko-tolu ko 'eni 'o tukuaki'i 'enau 'ohofi 'o faka-lavea'i 'a Kolikolio Tapueluelu 'i he 'ene fehu'i fefeka kia 'Akilisi Pohiva 'i he fakataha 'a e kau faiongoongo (2017).
'Oku nau anga maheni 'aki 'a e lea faka-ilififa mo faka-manavahe'i 'a e kau faiongoongo 'i he fakataha mo e Palemia. Fakataha pea mo Po'oi Pohiva, 'oku nau nofo 'o faka-manamana'i 'a e kau faiongoongo ke 'oua tenau 'eke ha ngaahi fehu'i mamafal ki he PM.
Ko e ngaahi founga faka-manavahe 'a e kau Kominiusi 'i Lusia, Siaina, mo e ngaahi fonua Kominiusi.ke ilifia 'a e kakai mo e kau faiongoongo ke 'oua 'e 'ata kitu'a ki he kakai 'a e ngaue fehalaaki, loi, mo e kaakaa 'a e Pule'anga.
Ko 'enau taumu'a ke tala ma'upe 'a e loi tu'o lahi, pea 'e hoko leva ia ko e mo'oni. Ka e faka-ilifia'i 'a e kau faiongoongo ke 'ua tenau fakaha ki he kakai. -
Koe me'a ia 'oku fie hia ai, koe ha kuo toe lele ai 'o toitoi. Faka'ofa pe si'i 'Asiata si'ono fakahaa'ele tokotaha atu ki he 'esi feilaulau. Ka ko fe a pive ia moe kau tekemui. 'Ikai kuo nau pulia kae si'i fua hia e kau ngangau no-school ko ena. Koe 'atunga ia e pa pe me'a mo heka, kuo ke sio koe Assata ki ho'o pay. Mahalo pehe 'e ia 'e fakahaofi ia 'e 'akili. 'Ikai pe ke nau ako mei a Solomone Palu he hopo he'ene paaki mai kuo polio e lao!!! 'osi ange kuo polio hono 'elelo mo hono kato. Teuteu atu koe kihe me'a tatau assata mo 'onitulee.