Lahi launga’i ngaahi kautaha tila me’alele mo’enau fekau’aki mo Filimone To’aho Featured
Filimone To'aho ko e Pule malōlō mo e tokotaha na'e 'a'ana 'a e Kautaha Super Cheap Tonga ka kuo 'ikai toe lele
21 Siulai, 2017. ‘Oku ‘ikai pē ke maholoholo ‘a hono kākā’i ‘o si'i kakai ‘e he ngaahi kautaha Tonga ‘oku hū me’alele ki Tonga mei Siapani.
Kuo ‘ikai ngata he launga ‘a e kau kasitoma ki he ngaahi kautaha lao kuo nau a’u ‘o kole tokoni ki he ngaahi kautaha mītia kenau tokoni ange ki honau ngaahi faingata’a’ia.
‘Oku ‘ikai foki koe toki taimi ‘eni ke paaki atu ai ‘e he ongoongo ni ‘a e ngaahi talanoa fakaloloma ko’eni ka ‘oku ‘i ai mo e ngaahi fakamo’oni kuo ma’u ‘o kau ai ‘a e ngaahi tohi tali totongi, tohi mei he kau Fakafofonga Lao ‘o a’u ki he ngaahi fe ‘imeili ‘aki ‘a si’i kakai ‘oku launga mo e kau tila me’alele ko’eni.
‘Oku fu’u mahu’inga foki ‘a e tokoni ‘a e mītia ‘i he tafa’aki ko’eni ki he ma’u mafai ke si’i malu’i ‘a e kakai ‘o e fonua mei he ngaahi ngāue pango, ta’e’ofa mo fakavalevale ko’eni.
‘Oku hoko ‘a e taufetuli ‘a e kakai tokolahi mo e matāpule na’e ‘a ‘ana ‘a e Kautaha Super Cheap Tonga ka kuo ‘osi tamate’i ko Filimone To’aho ko e konga ia ‘o e ngaahi launga ki he ngaahi kautaha lao ‘i he fonua.
‘Oku tukuaki’i ‘oku kaunga tonu ‘a e matāpule ko’eni ki he ongo kautaha hū me’alele ‘e ua ‘a ia koe SBT pea mo e Temo Tonga Motors pea ‘oku mahino pe ia ‘oku lēsisita ‘a e ongo kautaha ko’eni he hingoa kehe ka ‘oku tu’u mei mui ‘a To’aho.
Ko To’aho pe ‘oku fai kiai ‘a e fetu’utaki ‘i he taimi lahi pea koia ‘oku ‘eke kiai ‘e he kau launga ‘enau silini mo e ngaahi palomesi kuo ne fakahoko kae ‘ikai pe ke hoko.
‘Oku kei laini hokohoko pe foki ‘i he Fakamaau’anga ‘a e fakatonutonu ‘a To’aho ‘a ia na’e ‘a’ana ‘a e Kautaha Super Cheap Tonga ka kuo mate mo e kakai tokolahi ‘o e fonua ‘o kau ai a e si’i kainga mei he ngaahi ‘otu motu ‘i tahi fekau’aki mo ‘enau pa’anga kuo totongi kae ‘ikai pe ke ma’u mai ha me’alele ia pea koe kole atu ke fakafoki mai ‘a e silini kuo ‘ikai toe lava ia.
Kuo laui ta'u 'a e tukufetuli ko'eni pea 'oku mahino pe 'e 'ikai toe ma'u ha pa'anga ia mei he ngaahi 'eke ko'eni.
Na’e toe paaki atu pe he ongoongo ni ‘i he mahina ko Sepitema 2016 ‘a e kole mo e fakatokanga mei he Kautaha hū me’alele ‘iloa mei Siapani ki Tonga ni mo mamani koe Autorec ‘a ia na’a nau faka’ilo ‘a To’aho ki he kakai ‘o e fonua kenau tokanga fekau’aki mo e ngaahi ngāue pango ko’eni ‘oku fakahoko ‘e he matāpule ni.
Kaikehe ‘oku mahino mai ‘oku kei hoko pe pea ‘oku ma’u ‘e he ongoongo ni ‘a e ngaahi tohi launga’i ‘o To’aho ki he me’a tatau pe ‘a ia ‘oku kei hokohoko atu pe ‘ene fakahoko 'a e fa'ahinga ngaue ko'eni.
Ko e taha ‘o e launga koha finemui mei Popua ‘oku fekau’aki ia mo ‘ene motokā pea kau kiai moe launga mei he ongomatu’a na’a na totongi ‘a e silini kia To’aho fekau’aki mo e veeni uta ka ‘oku ‘ikai pe ke ma’u ia.
Ko e fehu’i leva pe koe hā ‘a e ngāue ‘e malava ke fai ke malu’i si’i kakai ‘oku ‘ikai ha’a nau hu’uhu’u pea nau toe tu’u lavea ngofua ki he fa’ahinga ngāue pango ko’eni.?
‘Oku 'i ai 'a e tui ‘oku ‘i ai e fatongia mafatukituki heni ki he kau fa’u lao pehe ki he ngaahi kupu fekau’aki ‘o e ma’u mafai he koe kaveinga ‘eni ‘oku lahi ‘ene hoko pea ‘oku hangē ha tahi ‘oku hu’a mai.
Na’e fakamatala ‘a e tokotaha ‘o e kau launga ‘a ia ’oku ‘ikai loto ke fakahā hono hingoa na’e a’u tonu ki he ‘api nofo’anga ‘o To’aho pea fakahā mei ai ‘e hono tokoua mo’oni ‘o pehe ‘oku ne tui ko ‘ene me’alele he’ikai pe ke ma’u ia.
Na’e fai ‘a e fetu’utaki ‘a e ongoongo ni kia To’aho ‘o fakafou ‘i he peesi facebook ‘a e ongoongo ni ‘a ia ‘oku fa’a angamaheni ‘aki ‘a e fetu’utaki mo To’aho ka ‘oku ‘ikai pe ha toe tali meiate ia.
'I he taimi tatau 'oku 'i ai 'a e ni'ihi 'oku fengāue'aki mo To'aho pea 'oku kau mo kinautolu hono tukuaki'i mo hono launga'i fekau'aki mo e me'a ni.
10 comments
-
Aisea, koe manakoa foki o Akilisi koene ngaahi misiona ke fakatonutonu e fehalaaki mo tau'i e faihala, veteki e fale e Tui ke lave e kaunanga oe Fonua he monu oku pehee oku nau tautu ai. Nae fakapipiki a e ngaahi misiona ke ofis kihe Temokalati pea koe kau Kapineti koe taupe pe ia Akilisi kenau pani i he manakoa o Akilisi. Sai, koe taimi ni oku kei tuukaivi pe a Akilisi tene ikuna ene ngaahi misiona o ikai kene kei faitokanga'i kuo holo pea pehee foki kihe tata savolo a e kau poupou ia he tafaaki kehekehe oe langa fakalakalaka.
Ko e article maalie aau Aisea ka heikai tali ia ehe Taki moe kau Kapineti he oku ikai pehee enau fakatonulea kihe Temokalati oku nau fiemau.
Ketau Lotua hotau Fonua. -
'Oku 'uhinga koa ki he ha 'a e taukave mo e poupou 'a e fa'ahinga ko 'eni ki he temokalati mo 'Akilisi Pohiva mo 'ene Kapineti mo hono Pule'anga lotolotonga ko ia 'oku fehangahangai kotoa 'enau nague mo e temokalati mo e tau'ataina 'o tikitato mo popula?.
'O kapau ko 'enau taukave mo e poupou ki he temokalati ko 'ene tefito he tau'ataina 'oku ma'u mei he "'atakitu'a," "taliui," "vahevahetatau" mo e "fakamaautotonu" 'a ia 'oku tefito kotoa he lao pea 'o kapau 'oku ta'efakalao 'a e kotoa pe lahi taha 'o e ngaue 'a 'Akilisi Pohiva moe 'ene Kapineti mo hono Pule'anga 'o 'ikai fai ki he "'atakitu'a," "taliui," "vahevahetatau" mo e "fakamaautotonu" 'a ia 'oku tatau kotoa mo e tikitato, fakaehaua mo e popula pea ko e fehu'i leva ko e ha 'oku nau kei poupou ai ki a 'Akilisi Pohiva mo 'ene Kapineti mo hono Pule'anga 'oku nau poto hono lau 'a e temokalati ka e vale hono fai 'o hange ko e lea paloveape 'o poto hono lau ka e vale hono fai mo 'ikai tatau 'a e ngutu mo e tuhu?
'Oku malava ke 'uhinga 'oku nau vale, ta'emahino mo fakapo'uli PE 'oku nau 'ilo, mahino mo maama ka 'oku nau kaka, loi mo siokita pea ka 'ikai pe ko 'enau vale, ta'emahino mo fakapo'uli, loi mo e siokita. 'O kapau 'oku nau vale, ta'emahino mo fakapo'uli pea ta 'oku poto ange 'a 'Akilisi Pohiva mo 'ene Kapineti mo hono Pule'anga 'iate kinautolu pea 'o kapaku 'oku nau 'ilo, mahino mo maama ka nau kaka, loi mo siokita pea ta ko e ta'efaka'apa'apa mo e ta'e'ofa 'oku lahi mo fakatu'utamaki.
Oku 'ange'ane 'a e kakai 'ko 'eni 'oku nau muimui kuikui, ta'e'atamai mo ta'emahino kia 'Akilisi Pohiva mo 'ene Kapineti mo hono Pule'anga he tokolahi 'o e kakai 'o e fonua ka e to e pehe ki he jkotoa 'a e kau MP 'o e Fa'ahi Temokalati 'Otuanga'ofa mo e kau MP Tau'ataina, -
'Oku tatau moe ha 'a 'eku fiefia iho''o tu'u ke tau'i 'ae ta'efaitotonu hotau fonua pea neongo kuo mau kavahia kotoa pe ngaahi kautaha iiki ko 'eni 'oku nau fakakaungatamaki 'ihe order me'alele ka 'oku ou fiefia pe ke 'oatu ha fakamalo ki he ngaue lelei kuo fai, koe ki'i motu'a ni 'oku ou fai e ngaue tatau 'ihe tokonia 'ae Hou'eiki moe Kakai 'oe fonua 'ihe Order me'alele pea ko 'eku taumu'a 'ae FAITOTONU, PAU , FALALA'ANGA, Na'e makatu'unga 'eni mei he 'eku fakamo'oni'i pau 'ae founga ta'etotonu mo hala na'e fakahoko 'ehe tokoua ko eni, pea koia ne nofo ai 'eku fakakaukau keu fai ha tokoni ki he Kakai 'aki pe 'a 'eku nofo he Faitotonu, Ka koe me'apango ia he kuo monuka 'emau ngaue he pango kuo fai 'ehe tokotaha ni.
-
'Oku poupou ki he pau'uni 'a e kau fiepolitiki mo taukave'i tokua 'a e temokalati hange ko Sione 'Eniketi pea mo 'Onitulei Manu. Pea mou vakai ange aa kakai ki he kakai 'oku mei tuli hotau telinga he tala 'a e faihala 'a hai mo hai. 'E foki pe foki ia ki he fakahua 'a e kau kava tonga koe suikulu mutu mo e 'ikai 'ilo 'e he ta'emaa'usia hono ngata'anga...
-
Mo'oni lahi e lau 'a Talia'uli koe 'ota me'alele 'e lava lelei pe 'e he tokotaha kotoa 'oku lava 'o lau tohi pea 'oku mahino lelei mo e founga 'oku fakahinohino mai tauatautefito ki he ngaahi kautaha pau hange koe beforward, autorec, trust, etc.....
-
Ko e matapule fakamatala lahi 'eni pea 'oku kei tali si'i kainga mei Mangia Vava'u ki he'enau Pasi. Ko 'enau pa'anga tokoni fakafalealea 'i he 2013 na'e 'ave ke kumi mai 'aki e pasi pea talu ai. 'Oku 'ikai ke ufi e ki'i tangatani pea 'oku lele he founga faka-lavu
-
Ko e tokolahi taha hotau kakai , kuo nau osi malava lelei pe fetuutaki he lea fakapalangi pea moe ilo fakakomipiuta. Ko enau create pe enau fanga kii account he website 'o e ngaahi Kautaha Mealele Dealer mei Siapani hange koe Pick and buy, Trust mo e Trade Car View pea nau toki order hangatonu ai pe . Pea oku fakatokanga'i oku meimei ke ngaue'aki 'e he ngaahi kautaha ni a e founga ko hono talafi hangatonu 'o e silini 'i he pangike. Pea 'e hanga leva 'e he Kautaha 'o fakasio e vaka vave taha ke sii fakaheka mai ai e mealele mei Siapani. Sii faka'ofa hotau kakai kapau oku lahi 'a e anga taefaitotonu ko eni. Fakamalo atu ki he etita ko hono omai 'a e ngaahi ongongo mahuinga ko eni.
-
'Oku taki 'a e mitia he taukave 'oku 2 ma'u pe 'a e tafa'aki 'o e 'uhinga ha me'a 'a ia ko e 'uluaki ko e tafa'aki 'o e poupou mo e ua ko e tafa'aki 'o e ta'epoupou.
'Oku hoko heni 'a e maumau lahi he 'oku 'ikai ke ne talamai 'a e mo'oni 'o e 'uhinga ha me'a 'a ia ko e tafa'aki ia hono tolu mo e tafa'aki ma'uhinga taha ka e 'ikai ko e tafa'aki 'uluaki 'o e poupou mo e tafa'aki ua 'o e ta'epoupou.
'Oku malava pe ke hoko 'a e tafa'aki 'uluaki 'o e poupou 'o makatu'unga he tafa'aki tolu 'o e mo'oni 'a e 'uhinga ha me'a ka e hoko 'a e tafa'aki ua 'o e ta'epoupou 'o tatau pe 'oku mo'oni pe loi 'a e 'uhinga ha me'a.
Na'e 'asi lelei 'eni he ngaahi keisi ta'efakalao 'a 'Etuate Lavulavu he fetukuaki 'a e tafaa'aki 'uluaki 'o e poupou mo e tafa'aki ua 'o e ta'epopou pea toki hu mai 'a e lao, fakamaau'anga mo e fakamaau 'o fakamahino 'a e tafa'aki tolu 'o e mo'oni 'o e 'uhinga ha me'a.
Na'e holofa fakatouloua 'a e ongo tafa'aki 'uluaki mo e ua ka e ikuna kaafakafa 'a e tafaa'aki tolu 'o e mo'oni 'a e 'uhinga ha me'a: 'o ma'u kotoa ai 'ene halaia he ta'efakalao 'ene foungafai he funga 'o e loi, kaka mo e siokita, 'o tatau pe he'ene 'a mo 'ene mohe, 'a ia 'oku misi pe 'oku ne lohiaki mo kaka'i 'a e kakai he'ene ta'e'ofa mo e sio pe ma'ana.
'Oku hoko 'a e tafa'aki 'uluaki 'o e poupou ki he tafa'aki tolu 'o e mo'oni 'a e 'uhinga ha me'a 'o fai'aki 'a e 'ilo, poto, mahino mo e maama ka e hoko 'a e ta'epoupou ki he tafa'aki tolu 'o e mo'oni 'a e 'uhinga ha me'a 'oku fai'aki 'a e ta'e'ilo, ta'epoto/vale, ta'emahino mo e fakapo'uli PE loi, kaka moe siokita.
'Oku 'i ai 'a e me'a 'oku 'asi tekeutua mai mei he poupou 'a e fa'ahinga tokosi'i ko 'eni ki he ta'efakalao 'o e ngaue mo e taki 'a 'Akilisi Pohiva mo 'ene Kapineti mo hono Pule'anga mo e ta'epoupou ki he mo'oni fakalao 'oku tefito ai 'a e lelei fakalukufua 'o e fonua.
Ka 'oku 'ikai pe ko 'enau fai he ta'e'ilo, ta'epoto/vale, ta'emahino mo e fakapo'uli ko e fai he loi, kaka moe siokita pe fakatouloua he ta'e'ilo, ta'epoto/vale, ta'emahino mo e fakapo'uli mo e loi, kaka moe siokita. Ka ko e ha koa ho'ona kehekehe ko e tupu kotoa pe mei he tefito 'e taha! -
Ta ko e kau nofo ena he takafalu o e Palemia, a e Onitule pea mo Sione Eniketi aena oku lesisita ai a e TEMO Motors. Ta ko e kaakaa ia kuo aka ia he kau takafalu mo e tama pisinisi koena.
-
'Oku ne toe ngaue'aki 'e Filimone To'aho 'a e kautaha ko e NIKKYOCARS JAPAN - TONGA. 'Oku nau fa'a 'asi holo mo 'Onitulei Manu.