Kamata ke ‘asi ‘a e pa’anga loi ‘i Tonga ni. Featured
5 Siulai, 2017. Kuo ‘oatu ‘a e fakatokanga mamafa ‘a e Pangikē Pule ‘a Tonga ki he kakai ‘o e fonua kenau fakatokanga’i ange ‘a e kamata ke ‘asi ‘a e pa’anga loi ‘i he fonua.
Kuo fakahā foki mei he Pangikē Pule koe pa’anga loi ko’eni kuo ‘asi ‘oku ‘i he kalasi fo’ou ‘i he tisaini ‘o e pa’anga fo’ou ‘i he ko’eni ‘o Tupou VI.
Kuo ma’u foki ‘e he ma’u mafai ‘a e konga ‘o e pa’anga ko’eni ka ‘oku ‘i ai ‘a e tui ‘oku lahi ‘ene takai holo.
‘I he taimi tatau kuo fakamahino mei he Pangikē Pule ko e ‘ilonga pe ‘a e pa’anga ko’eni ‘oku ‘ikai fu’u ‘ilonga ‘a e maaka vai (water mark) pehe ki he filo siliva ‘oku ‘asi ‘i he ‘ata kehekehe pe ‘i he ongo tafa’aki ‘o e lau’i pa’anga.
Kuo toe fakamamafa atu foki mei he Pangikē Pule pehe ki he ma’u mafai ke toe tokanga ange ‘a e kakai ‘o e fonua pea ke lipooti kapau tenau ‘ilo kiha pa’anga loi.
