Fakahū Pilīsone matāpule na’a ne tā fakalavea’i ‘a Kelekolio Tapueluelu Featured
Kelekolio Tapueluelu
16 June, 2017. Kuo fakapapau’i mai mei he Komisiona Polisi Steven Caldwell kuo puke ’e he kau polisi ‘o faka hūpilisone mo tauhi fakalao ‘i he taimi 1:00 pm ‘o e ‘aho ni ‘a e matāpule ta'u 49 fekau'aki mo e tā mo hono fakalavea’i ‘o Kelekolio Tapueluelu.
‘Oku mahino pe foki koe tā mo e fakalavea ko’eni na’e hoko ia ‘i he ‘aho Pulelulu 15 ‘o Sune ‘a ia koe Pulelulu ia ‘o e uike ni ‘i he Hala Lelue ‘i Kolofo’ou.
Na'e hoko foki ‘a e makuku 'i he vaha'a 'o e matāpule ko ‘Onitulei Manu mo Kelekolio Tapueluelu 'i he 'aho tatau ‘a ia ‘oku ‘i ai ‘a e tui neongo ‘oku ‘ikai fakahā mai ‘e he kau Polisi hono hingoa ka koe matāpule ‘eni kuo puke ‘e he kau polisi.
‘Oku lolotonga fakahoko ‘a e fakatotolo ‘a e kau polisi ki he me’a ni ka ‘oku mahino foki ko Kelekolio Tapueluelu ‘oku nofo Nu’usila pea ‘oku ne ‘i Tonga ni ke poupou ki hono teke ke fakahoko mai ‘a e sipoti ki Tonga ni ‘i he ta’u 2019.
Kuo fakamatala foki 'e he ngaahi kautaha ongoongo pehē ki he mītia faka-sosiale na'e fakahoko e felau'aki 'a Tapueluelu mo e kau poupou 'o e Palēmia 'o hoko ai 'a e tā ko'eni.
Kuo fakapapau’i foki mei he Komisiona Polisi ‘a e mahu’inga ke malu’i ‘a e mo’ui mo e totonu ‘a Kelekolio Tapueleuleu ‘o fakatatau ki he lao ‘o e fonua.
'Oku kei hokohoko atu pe 'a e ngāue 'a e kau polisi ki he me'a ni.
3 comments
-
Koe lea eni 'ae Minista Polisi fekau'aki moe me'a na'e hoko kia Kolio "Pehē ʻe he Ministā Polisí pe ʻoku taʻefakalao pe fakalao ʻa e lea fakamana ʻa Kelekolio Tapueluelu ne fai ki he Palēmiá ko hono moʻoni ʻoku hanga ʻe he lea ko iá ʻo tafunaki ke ngaʻuta e kakai. Ko hono ueʻi ʻeni ke ngaue e fonuá, ko e meʻa ia ʻa e Minisitā, mo ne pehē ne kumi ʻe ha niʻihi ʻa Kolio ʻo maʻu peá "ne iku ʻo ne lavea ai"
He toki minisita lea vale. Kapau 'oku ne pehe na'e maumau ha lao he lea 'a Kolio koeha na'e 'ikai 'ave ai e kau Polisi ike nau puke 'o fakahu? 'aia 'oku pehe 'e Minisita mateni ia 'oku sai pe ke 'alu ha fa'ahinga taha pe kakai 'o ta fakalaveali ha taha 'o lea fakafepaki ki he'ene tamai 'ihe fono?
Faka'ulia koe tuku taka'aki ai pe lao kae fai honau loto. -
Pea na'e ma'u 'ehe security camera 'ae falekai e kautama 'a 'Onitulee - hange na'e 'asi hake ai a 'eniketi taufa, piveni moe motu'a ha'ateiho fakatau vesitapolo ko 'inoke masima koaa pe ko hai. Koe kau hitman 'a e taki. Ka 'e mahalo 'e malu'i pe nautolu ia 'ehe minisita polisi e.
Tau ki'i ta'utu pe 'o mamata kihe lele 'ae lao 'oe fonua. -
Oi ! Koe u'u pe bees ko hono hoka ?
Kuo ou manatu'i ae mata oe Poko ko eni .....Koe tama eni na'a ne kakaa'i ae Faè mo ene tama he taimi na'e ngaue car sales ai...i Auckland. NZ.
Sai keke foki ki NZ o fkakeake kiai he oku lelei ange ae kau Dr's ai mo fai ha ngaue oku aonga ke tauhi aki ho'o ki'i Famili.