Faka’ilo e ‘Ofisa Polisi ki he kaiha’a fakamālohi Featured
25 Mē, 2017. Kuo tauhi ‘e he Potungāue Polisi ha ‘ofisa polisi pea fakamalōlō’i fakataimi hili hano faka’ilo ia ki he kaiha’a fakamālohi ngāue’aki ha me’atau.
‘Oku ‘ikai foki ke tuku mai ‘e he Potungāue Polisi ‘a e hingoa ‘o e ‘ofisa ni ka ka na’e hoko ‘a e hia kuo tukuaki’i kiai ‘a e ‘ofisa ni ‘i Maufanga ‘i he efiafi Tokonaki ‘o e uike kuo’osi.
'Oku ta’u 27 ‘a e ‘ofisa polisi ko’eni pea na’a ne ngāue’aki ha hele ki he kaiha’a fakamālohi ko’eni.
Na’e ngāue’aki ‘e he ‘ofisa ‘a e hele kene fakamanavahē’i ‘aki ‘a e faifakatau pea hola ai ai mo e pa’anga fakafuofua ki he pa’anga ‘e $302 ‘Amelika.
Na’e fakahā foki ‘e he Komisiona Polisi Steven Caldwell ‘a e mafatukituki ‘o e tukuaki’i ko’eni pea ‘oku ne fakamahino ‘a e ‘ikai ma’olunga ha taha he lao ‘o e fonua.
Kuo toe puke ‘e he kau polisi moha matāpule hono ua ‘o tukuaki’i ‘ene kaunga kau ki he ngāue pango ni pea ‘oku ‘amanaki kena hā ‘i he Fakamaau’anga Polisi ‘a pongipongi Falaite 26 ‘o Mē 2017.
