Lavea lahi pōpula ‘i he Pilīsone Sainai ‘i ‘Eua Featured
Hū'anga ki he Pilīsone Hu'atolitoli
1 Mē, 2017. Kuo ma’u ha fakamatala mei he Va’a ‘o e Potungāue Polisi ‘i ‘Eua ‘oku lolotonga ‘i he tu’unga fakatu’utamaki ha pōpula ‘i he Falemahaki ‘i Eua makatu’unga ‘i ha lavelavea lalahi ki hono ‘ulu.
‘I he fakamatala ko’eni na’e fakamahino mai na’e fai ‘a e sio faka’osi ki he pōpula ni ‘i he taimi 5:00 efiafi Tokonaki 29 ‘o ‘Epeleli ‘i he ‘ene ‘alu ke fai ‘ene kaukau. ‘I he hoko ‘a e 6:00 efiafi na’e fai hono lau kinautolu ‘o ‘ilo ai ‘oku pulia ‘a e pōpula ni.
Na’e ma’u ‘a e matāpule ni hili ha taimi nounou mei ai ‘oku tokoto pe he ve’e vao ‘i he feitu’u ko Loupata ofi atu pe ki he Pilīsone Sainai pea ‘oku hoko ‘a e lave;ave lahi ki hono ‘ulu.
‘I ha fakamatala ‘a e ongoongo ‘a e Matangitonga Online ‘oku mahino mai ‘oku lolotonga fakahaoko ‘a e ngāue ‘a e Kau Polisi ki he me’a ni mo hono tupu’anga ‘o kau ai ‘a e founga na’e mavahe ai ‘a e pōpula ni mei he pilīsone.
‘Oku te’eki ke toe tukuange mai ha fakaikiiki fekau’aki mo e me’a ni.
