Hoko ‘a Tonga koe matapā ki he hū ‘o e faito’o konatapu ki Nu’usia mo ‘Aositelelia ^Featured

‘I ha fakamatala ‘a e TV Nu’usila ko Tonga mo e ngaahi fonua kehe ‘o hange ko Vanuatu, Fisi mo Niukaletōnia ‘oku ngāue’aki ‘e he kau tila faito’o konatapu (syndicates) mo e me’atau ko’eni mei ‘Esia Tonga Hahake (South East Asia) mo Saute ‘Amelika (South America) ‘o ‘uhinga ko’ene ofi ki he ongo maketi lalahi ko’eni ‘i he Pasifiki.

Ko e kaveinga mahu’inga foki ‘e taha ‘oku fai kiai ‘a e tokanga ko hono fakafoki pe ko hono tīpota’i mai ‘o e kakai Tonga na’e fai hia mei muli.

Oku mahino koe tokolahi ‘o kinautolu na’e ‘i ai ‘enau fetu’utaki mo e kau faihia lalahi ‘i he fonua muli na’a nau ‘i ai ka e tatau tefito ki ‘Amelika a ia ‘oku laka hake he toko 700 ‘a kinautolu kuo tipota’i mei ai ki Tonga fakatatau ki he fakamatala ‘a e Televīsone Nu’usila.

‘I he’enau tu’uta ‘i Tonga ‘oku ‘ikai ha’anau taukei he mo’ui mo e ‘ulungaanga faka-fonua pea ‘oku nau tu’u lave ngoufua kenau toe faihia pea nau hoko koe ngaahi poini ke fetu’utaki mai kiai ‘a e kau faihia fakavaha’a-Pule’anga.

‘Oku ‘i ai foki 'a e ngaahi fakamo’oni ki he me’a ni he ngaahi ta'u kuo maliu atu ka ko’eni ‘oku kei fakapapau’i mei Nu’usila ‘oku kei hoko pe.

'Oku 'ikai foki ko Tonga pe ka 'oky kau kiai moe ngaahi fonua ko'eni 'e tolu 'oku hā atu 'i 'olunga.