Tu’utu’uni Fakamaau’anga Tangi ke mavahe Feohi’anga Mo’ui Fo’ou mei Ha’ateiho Featured
Falelotu Siasi Tokaikolo 'Ia Kalaisi i Ha'ateiho na'e tu'utu'uni 'e he Fakamaau'anga Tangi ke mavahe mei ai 'a e Mo'ui Fo'ou
16 Tisema, 2016. Kuo tu’utu’uni ‘e he Fakamau’anga Tangi ‘i he ‘aho 15 ‘o Tisema ni ke mavahe ‘a e Feohi’anga Mo’ui Fo’ou mei he koloa ‘a e Siaisi Tokaikolo ‘ia Kalaisi ‘i Ha’ateiho.
‘Oku mahino foki kuo fakahū atu ha tangi a e Mo’ui Fo’ou ki he Fakamaau’anga Tangi ‘a ia ‘e toki fakahoko ki he mahina ko Ma’asi 2017.
Lolotonga ‘eni na’a nau tangi ki he Fakmaau’anga Tangi ke tukuange kenau nofo pe mo ngāue’aki ‘a e koloa ‘i Ha’ateiho kae ‘oua kuo mahino ‘a e ola ‘o e Tangi koia.
Na’e ‘ikai tali ‘eni ‘e he Fakamaau‘anga Tangi ‘i he tu’utu’uni ‘aneafi 15 ‘o Tisema pea kuopau ai kenau fetukutuku leva ‘o fakahoko pe mei tu’a ‘enau tangi.
Kuo ma'u ha fakaha mei he Siasi Tokaikoloa 'Ia Kalaisi kuo fakahoko 'a e fetukutuku 'a Mo'ui Fo'ou 'Ia Kalaisi mei he'enau koloa 'i Ha'ateiho.
2 comments
-
Faka'ofa mo'oni e lotu hono fai 'e he Tonga!
-
Koe fe fktonu'aki he Koloa 'oe Mamani ko'eni he Koloa 'ae Siasi ?
1. Koe Kakai Tatau pe na'a nau loto'aki ke Langa 'ae Siasi Ha mai 'oe 'Eiki, ke fkma'unga kiai hono kakai ke Lotu ai ki honau "Eiki Lahi ko Sisu Kalaisi.............
2. Kuo nau a'u kihe Fkma'au'anga 'o Tonga 'o Fktonutonu Koloa ai 'I honau 'Ivi pe na'e fkhoko'aki 'ae ngaue ?
3. Kuo Mahino 'ae tu'utu'u ni ia ae Fkma'au'anga, neongo 'oku fktatali kihe Tangi.........
4.'E lava nai ? ke fai ha Fakalelei mo ha fe fakamolemole'aki 'ae 'ongo Kainga 'oe Siasi ni, neongo na'e hook 'ae ng fefusi'aki moha ng Tukuaki'i kehekehe pea hook ai 'ae mavaeua 'ae kainga lotu 'oe 'Eiki ?
5. 'Oku pole'i kitautolu 'ehe fa'ahi Ta'u Fklotu Fkkalisitiane 'ae Fktu'amelie moe Amanaki Lelei/ Advent kihe teuteu 'oe Kilisimasi moe fekau mahu'inga 'oku IATE KITAUTOLU 'AE OTUA.........
6.Tau lotu, pe koe ha 'ae Finangalo'ae 'Eiki Lahi, kihe me'a totonu ke tau fkhoko.......pea 'iloa ai 'Ene Mo'ui 'iate kitautolu ko 'ene kau Muimui???????