Holoki 'a e tautea ngaue popula 'o Kusitafu Tonga mei he mahina 18 ki he mahina 'e 6 Featured
Nuku’alofa, 15 Sepitema 2016. Na’e tautea foki ‘i he Fakamaau’anga Lahi ‘e he Fakamaau Lahi ko Cato ‘i he ‘aho Tu’apuleulu 21 ‘o Siulai ke ngāue pōpula ta'u 'e 4 ‘a e tangata pisinisi ko Kusitafu Tonga ‘o Fasi mo e Afi.
Na'e 'oatu foki 'i he ongoongo ni 'a e fakamatala mei he Fakamaau'anga Lahi 'i he 'aho 25 'o Siulai fekau'aki moe tautea ko'eni. Na'e makatu'unga foki 'eni 'i he ngāuehala ‘aki ‘a e falalala mo e pa’anga pea ‘ikai kene fakahoko ‘a e aleapau mo e Potungāue Pilīsone ‘a ia na’e ‘oanga kiate ia ‘e he Potungāue ni ‘a e pa’anga Tonga ‘e 165,000 kene hūmai ‘a e ngaahi me’a lele ma’a e Potungāue ni.
Na'e toe tangi foki 'a e loea 'a Kusitafu Tonga William Clive Edwards ki he Fakamaau'anga Tangi fekau'aki mo e tautea ko'eni pea fakahoko ai 'a e tu'utu'uni 'a e Fakamaau'anga Tangi 'i he 'aho Pulelulu 14 'o Sepitema 'o tali 'a e tangi 'a Kusitafu pea holoki ai 'a e tautea ki he ta'u 'e 3 pea to'o foki 'a e mahina 'e 18 koe 'ikai hano lekooti pea toloi malu'i mo e ta'u 'e 1 ke 'oua tene toe fakahoko ai ha hia 'i ha ta'u 'e 2 'a ia ko e mahina pe ‘e 6 tene ngaue'i.
Na'e makatu'unga foki 'a e tangi 'a Kusitafu Tonga 'i hono ngaue'aki 'a e tautea 'i he lao fo'ou ki he fa'ahinga hia ko'eni hili'a e liliu 'a e Lao ia 'i he 2012. Koia ai na'e pau ke toe fakahoko hano fetongi 'o e tautea pea ngaue'aki 'a e lao motu'a he koe hia na'e fakahoko kimu'a 'i he 2012 te'eki ke liliu 'a e lao mo hiki 'a e tautea.
Na'e tali 'e he kau Fakamaau 'e toko 4 'o e Fakamaau'anga Tangi 'a e fokotu'u mei he loea 'a Kusitafu Tonga 'o hoko ai hono holoki 'a hono tautea.
3 comments
-
Oku mooni Fahina ka e depend pe kei he lelei a e Taukapo a e Loea
-
Ko fe he paanga e lau kilu moe lau afe oku mo'ua lahi ange???hhhhh
Kai 'ehe motu'a ni ia e lau kilu pea mahina pe ia e 6 kae taki ta'u 3 atu si'i kau ngaue pangikee ia moe hafua..ioooo -
'Ikai ke tuku ke kii nofo lolooa atu i Tolitoli na'a ha'u 'o toe lohiaki'i ha Potungaue