Fehu'ia Kautaha Satelaite 'a e Kapineti: Malie hono teuteu'i e fakamatala ^Featured

Tangata’eiki,

‘Oku malie fokotu’u kautaha satelaite ‘a e pule’anga ka ‘oku hange koe lau ‘a e kau kavatonga vakai atu e toki na’a ‘oku ‘aakitu’a mai mo ha tangai.

Na'a ku fanongo lelei pe 'i he fakamatala ‘a Keith Moala 'i he Letio 87.5 FM ‘i he pongipongi Tusita fekau’aki mo e kautaha satelaite fo'ou 'a e Pule'anga kuo fokotu'u pea na'a ku 'ohovale 'i he fakamatala ko'eni.

Koe ‘uluaki konga ‘enefakamatala ki he fehu'i na'e 'oatu kiate ia 'oku ou tui koe mo’oni ia pea koe konga kimui leva 'oku ou pehe koe vali pe pule’anga na’a ngali ‘oku nau fehangahangai.

Ko e ngaahi 'isiu leva 'oku tafe mei ai 'oku pehe ni:

1. Na’e ‘ikai ke nau femahino’aki he ko Keith koe ‘Enisinia moe taukei 'i he tafa’aki ki he Satelaite.

2. Na'e lolotonga fai 'a e alea ia ‘a Keith moe kautaha Satelaite lahi ‘i Pilitania

3. ‘Oku kei tafe mai pe pa’anga ki he fonua mei he ngaue ne fai ‘e he Tongasat.

Ko ‘eku fehu’i leva mo e fifili 'oku pehe ni;

1. Ko e ha 'a e taukei ‘a e kau talekita 'o e kautaha Sateliate fo'ou 'a e Pule'anga 'oku ?

2. Ko hai na’e tekemui he fokotu’u Kautaha fo'ou ko'eni?

3. Pea mahalo koe fehu’i mahu’inga 'eni - koe fiha ‘a e aleapau ko eni.?

‘Oku tomu’a ‘omai e talavou e fengaue’aki mo e kautaha satelaite kae fefe taimi ‘oku to’o ai e me’a valivali mo e lipisitiki (makeup).

Na’a tau'ilo kotoa pe ki he ‘eke na'e fakahoko 'e he Ezinet ki he TCC 'i he motu ‘a e keipolo.

‘Oku ‘i ai ‘etau cable pea ‘e toe hilifaki mai mo e totongi satelaite koe talifaki mo siofaki koaa ki he ngaahi motu maumaunganoa.

‘Oku talavou e fakakaukau, ka koe kau talekita pea koe kau tekemui ‘oku nau toi ka ‘oku nau tekeutua mai pe.

Kaikehe tau ‘amanaki kotoa pe ki ha lelei pea ‘i he taimi tatau ke tau mateuteu ke tali mo e nunu’a.

Malo,

Kauvai