'Aho Malōlō Faka-Pule'anga Makehe Featured
Nuku'alofa, 30 May 2016. Kuo tali 'e he Pule'anga ke fokotu'i ha 'aho Malolo Fakapule’anga Makehe ke faka’ilonga’i ‘a e katoanga fakahisitolia ‘oku ‘amanaki fakahoko ko hono Fakamanatu ‘o e Ta’u 150 ‘o e Kolisi ko Tupou ‘a e Siasi Uesiliana Tau’ataina ‘o Tonga.
'Oku fiefia ‘a e ‘Ofisi ‘o e Palemia ke fakanongonongo atu ki he kakai Tonga kotoa pe kuo tali ‘e he Kapineti ke hoko ‘a e ‘aho Pulelulu 22 ‘o Sune 2016 ko e ‘Aho Malolo Faka-Pule’anga ki he kotoa ‘o e ‘Otu Tonga ni.
Ko ia ai, ‘oku fakahoko atu heni ko e ‘aho Pulelulu 22 ‘o Sune 2016 ‘e hoko ia ko e ‘Aho Malolo Fakapule’anga Makehe ki Tonga ni kotoa. Ko e ‘aho malolo makehe ni ‘e tu’o taha pe, pea ‘oku fakahoko ia ko hono faka’ilonga’i ‘a e Fakamanatu ‘o e Ta’u 150 ‘o e Kolisi ko Tupou, ko e fuofua ako’anga kolisi ke fokotu’u ‘i Tonga ni pea ke a’usia ‘a e ta’u 150.
'Ofisi 'o e Palemia
9 comments
-
Ki'i fo'i tafisi eni a loholoho oku tonu ihe fuu miliona a e xstudent ne mau ka nae tonu ke fkkau i hoo kau multiplier effects ae u falekoloa Siaina. Tenau tanaki ange kinautolu i ha toe pisinisi i Tonga ni.
-
Tangata Sione A Mokofisi, 'oku ha mai mei ho'o lea 'a e 'afungi 'i ho'o ui e kakai 'oku mou talanga ko e kau fiepoto (stupid). Ko fe'ia leva ho poto 'oku ke kalanga'i na'a ke ngaue ai 'i Amelika mo e ha fua kuo ke eluelu mai ai. 'Ikai ngata ai ka 'oku ha mei ho'o ki'i 'analaiso ho ngata'anga. 'Oku ke pehee 'e lava 'eha ngaue he 'aho 'e taha 'o langa e 'ekonomika e fonua? 'oku ou fehu;ia ai ho fuhinga faka'ilonga fakaako 'oku ke puhi talupite 'aki ho'o ngaahi tohi. He'ikai teu toe fakaloloa kau 'oatu pe ki'i 'imisi 'e taha keke vakai kiai pea kapau teke melemo pea ke toki ui tokoni ki ha kakai lalahi kenau kaufaki'i koe. Ko e ngaahi fakamole kotoa kie teuteu e katoanga 'a Toloa kau kiai mo e 'aho maloloo 'oku 'osi lau kilu pea 'e lava pe ke a'u 'o miliona 'a e pa'anga e fakatafe maii ki he 'ekonomika e fonua, pea ko hono ola (multiplier effect) 'oku malava ai ke hakeakii e ngaahi pisinisi, kau toutai, kau ngoue etc. Ko e ola melie koia 'o e feilaulau'i e ki'i 'aho 'e taha 'oku malava ai e ngaahi pisinisi ke feau 'enau ngaahi fiema'u mo kei fakangaue'i 'enau kau ngaue, malava e tangata toutai ke totongi e ako 'ene fanau, pea malava e tangata ngoue ke fakalato e ngaahi fatongia 'o api (kai lelei pea mo mafana). Ka 'ikai ha 'aho maloloo he 'aho ko eni he'ikai hano toe faikehekehe. 'Oku 'ikai ko ha fonua a Tonga ni 'oku fakalele faka'iate (piece rate) ke ngaue pe he 'aho ni pea ma'u ai pe seniti pea ka hala 'a pongipongi ha ngaue pea ui ia ko e ta'engaue. Ka 'oku sai keu ngata he, telia e mata'i tofe na'a to ki ha feitu'u 'oku 'ikai taau ke hu'u kiai, malo mo e 'ofa.
-
'Oku ofi 'eni he TOP$300,000 'o e pa'anga 'e vahe 'ikai fai ha ngaue. Ngali totonu ke ta'ofi aa fakatau me'angaue mei he Vv Cont Ltd ee...malie malie malie
-
KA E FĒFĒ 'EKÕNOMĪ, KAU FIEPOTO? (WHAT'S WITH THE ECONOMY, STUPID?)...'E MA'U NGĀUE 'A E TO'UTUPU HAUÁ (UNEMPLOYED YOUTHS) MEI HE NGAAHI FAKAKAUKAU KO 'ENI? HALA 'ATĀ HA FOKOTU'UTU'U KE FAKALAKALAKA E 'EKŌNOMĪ...Ko e fanga ki'i fakakaukau mamaha pē ki he kaipola.
'Oku langa'i hake 'a e 'ekõnomī 'o e fonuá 'i he ngaahi me'a 'oku faka-hoko 'e he Pule'anga ko 'eni?
'Oku ma'u ai ha ngāue 'a e kakaí pea langa'i hake 'a e 'ekõnomī 'o e fonuá? Fokoleta a to'utupu 'oku nau haua holo ta'e ma'u ngāué, ka e mahu'ingaange 'a e 'aho mālōlō.
'Oku 'i ai koā ha fakakaukau mo ha fokotu'utu'u ke langa'i 'a e 'ekõnomī 'a e fonuá?
'Oku nau fakakaukau'i ma'upë 'a e faka-fiefiá, kātoangá, mo e fakasi'isi'i e faingamālie ke fakatupu 'a e 'ekōnomī 'o e fonuá.
'Oku tāpuni e ngaahi falemā he 'Aho Sāpaté ka e fiekaia e fānaú mo e kau masivá. 'Ikai fakakaukau'i e me'a ke mākonaange ai 'a e kakai, pea fakalakalaka 'enau mo'ui fakasino mo e faka-'ekanõmiká. -
Sai e aho malolo ia koia he koe mea aonga kuo ilo a Tonga ni he fakanofo Katinali, kau ia koe tuuaki o Tonga ni makehe ia mei he tuuaki a e Forbes. Koe foi aho malolo koeni koe fakalangilangii e fuu apiako naa nau tutu e falenofoanga??? Fakalanga sipiki mooni
-
Na'e 'aho maloloo makehe 'a Tonga ke fakalangilangi'i 'a e hoko 'a 'Eiki 'Epikopo 'o e Taiosisi 'o Tonga mo Niue ki he tu'unga Katinali. Na'e 'ikai ke mou lea ai. Koeha hano kovi 'a hono faka'ilonga'i makehe 'a e Makamaile Ta'u 150 'o e Kolisi ko Tupou? Ko e loto 'oku fonu he kovi he'ikai pe ke toe lelei kiai ha me'a, malo
-
Koe ha e 'uhinga e 'aho malolo noa'ia 'ae fonua he me'a 'a Toloa? Kapau te nau fakaafe'i kotoa a Tonga ni ki he kaipola pea sai. Kae 'ai ke tu'u noa'ia ai e ngaue ia 'ae pule'anga moe ako 'ae fanau.
koe fu'u pm toloa mo 'ene fanau moe fanga makapuna toloa. -
Ilonga e vale kua ae kapineti ihe foi ai aho maloloo ko eni. Ikai ke uei mai kihe aho monite pe falaite ke oua e mutukuu pehee mo maumaui ae uike ngaue kakato ihe aho maloloo pulelulu (mid-week). Nae mei sai ange falaite pe monite ke holiday long weekend e kau ngaue kae kei lava pe ha ngaue. Mea e hoko ihe aho maloloo kidweek ihe pulelulu, koe liaki ngaue uike kakato ae tokolahi ia. Mahino ihe foi ai ko eni, e aho maloloo fkpuleanga a Tonga ia he senituli ae ako kotoa pe. Fielau e unproductive ae fonua mo hapotupotu fkekanomika, e osi pe ngaahi aho ngaue ia ihe fkaho maloloo.
-
Fielau he ko e Kolisi Tutuku Toloa koe Akilisi, fakamoleki noa'ia ai leva e pa'anga a e Pule'anga ki he me'a na e!