Nuku’alofa, 8 ‘Epelei 2016. Kuo tali ‘e he Fakamaau’anga Tangi ‘a e tangi ‘a Mateni Tapueluelu ko e Fakafofonga Fale Alea malōlō ‘o e Vahenga Tongatapu 4. Ko e tu’utu’uni ‘eni ‘a e Fakamaau’anga Tangi ‘i he uike ni hili ia ‘a e kakato ‘a e sesoni hopo hono ‘uluaki ‘a e Fakamaau’anga Tangi ki he 2016.

Nuku’alofa, 30 Ma’asi 2016. Kuo tu’utu’uni ‘e he Tu’i Fakamaau Lahi Owen Paulsen ‘i he Fakamaau’anga Lahi ‘aneafi 29 ‘o Ma’asi 2016 ke fakata’e’aonga’i ‘a e tu’utu’uni ‘a e Kapineti ke fakamalōlō’i ‘a Lady ‘Eseta Fustu’a mo Lady Tuna Fielakepa mei hona lakanga ko e memipa ‘i he Poate ‘a e Kau Talēkita ‘o e Komisoni Fakamafolalea ‘a Tonga.

Nuku’alofa, 28 Ma’asi 2015. Kuo fakafoki mai ki Tonga ni ‘a e matāpule ko Motekiai Taufahema hili hia ha’ane ngāue pōpula fe’unga mo e ta’u ‘e 11 ki he’ene kaunga kau ki hono fakapoongi ‘a e ‘Ofisa Polisi ‘i Niusaulele ko Glenn McEnallay ‘i he ta’u 2002.

Nuku’alofa, 12 Ma’asi 2016. Kuo mahino mai mei he Fakamaau’anga Lahi ‘oku te’eki ke fakahū ange ha tangi ‘a ‘Etuate Lavulavu fekau’aki mo e tu’utu’uni ‘a e Tu’i Fakamaau Lahi fekau’aki mo e hopo Fili Fale Alea (Election Petition) ‘i he vaha’a ‘o Lavulavu mo Dr. Viliami Uasike Latu ‘i he ‘aho 29 ‘o Sanuali 2016.

Nuku'alofa, 4 March 2016.  The Attorney General’s Office wishes to inform the public that today Thursday 3 March 2016, the Supreme Court made a declaration that wrongful actions of certain Police Officers as servants of the Kingdom of Tonga towards Kali Fungavaka on the night of 17 August and morning of 18 August 2012 mounted to a breach of his Constitutional rights to life, liberty and freedom within Tonga as provided for in the Constitution of Tonga.

18 Fepueli 2016. Ko e ongoongo fakaloloma ‘a hono lolotonga tauhi ‘i he selo (cell) pe koe pilīsone ‘a e Toketā Tonga koia ko Dr. Hilamani Hansen ‘a ia ‘oku faka’ilo ia ki he ngaahi hia kehekehe ‘e 13 fekau’aki mo hono mamau’i ‘o e lao faka-‘imikuleisoni ‘a e Pule’anga ‘Amelika.

Nuku’alofa, 28 Sanuali 2016. Kuo ma’u ‘e he ongoongo ‘a e Nepituno ha fakamatala ‘oku natula fakalilifu ki hono taa’i ‘e ha kau Siaina ‘e toko 5 ‘a e matāpule Siaina pe ‘i hono ‘api nofo’anga ‘i Pili ‘i he po’uli hifo ‘o e ‘aho 19 ‘o Sanuali 2016.

Nuku’alofa, 26 Sanuali 2016.  Na’e hilifaki he Fakamaau’anga ‘a e tautea ke ngāue pōpula ta’u ‘e 15 ‘a e tamai ta’u 42 ko Lokoua Taufahema ‘o Navutoka ki he hia ko e tamate tangata ‘o makatu’unga ‘i he pekia hoko uaifi ‘i Tisema 2014 mei hano lingi ‘aki ha ngako vela ‘e he faka’iloa.