Ma’u Covid-19 toko 23 kau kauvaka HMAS Adelaide ‘oku lolotonga folau mai ki Tonga ni Featured
26 Sanuali, 2021. Kuo ma’u e fakamatala mei he Ma’u Mafai koe toko 23 ‘o e kau kauvaka ‘o e Manuao ‘Aositelēlia koe HMAS Adelaide ‘oku lolotonga folau mai ki Tonga ni ‘oku ma’u kinautolu ‘e he mahaki Covid-19.
‘Oku mahino mai foki ko e Manuao ko’eni ‘oku fakataumu’a mai ki Tonga ni koe tokoni ki he fakatamaki na’e hoko ‘i he fonua pea na’e ‘osi fakahoko pe hono sivi ‘o e kau kauvaka mo e kau ngāue tokoni he vaka ni ‘i he houa ‘e 48 kimu’a pea mavahe mai ‘o mahino ‘oku nekativi pea ‘ikai ha taha ‘e ma’u he mahaki Covid-19.
Kaikehe ne mavahe ‘a e vaka pea toe fai hono sivi ‘o e kau folau ‘o mahino ‘oku positive ‘a e tokotaha pea hoko atu ‘a hono toe sivi ‘o mahino mai koe ola fakamuimui koe toko 23 kuo ma’u ‘e he Vovid-19.
‘Oku fe’unga mo e kau kauvaka ‘e toko 500 tupu pehe ki he kau ngāue tokoni ‘oku laka hake he toko 250 ‘oku folau mai he vaka ni pea ‘oku fakataumu’a mai kenau tokoni ki he langa hake ‘a e fonua hili ko’eni ‘a e mapuna ‘a e mo’ungafi Hunga Tonga Hunga Ha’apai.
Ko e kalasi Manuao lahi taha foki ‘eni ‘i he Va’a tautahi ‘a ‘Aositelelia pea ‘oku te’eki ke mahino ‘a e tu’utu’u ni ‘a Ma’u Mafai ‘i he fengāue’aki mo e Pule’anga ‘Aositelelia ki he me’a ni ka ‘oku mahino koe Manuao ni kuo ‘osi ofi mai ki Tonga ni.
