Ako ki he palani ngäue ‘a e ngaahi siasí ki hono Haofaki’i ‘o e Mo’ui Lelei Featured
Kau fakafofonga ki he mo’ui lelei mei he ngaahi siasi takitaha ‘oku nau kau atu ki he ako ‘aho ua, ‘i he loki konifelenisi Tungi Colonnade
6 Ma’asi, 2019. ‘Oku lolotonga fakahoko ha ako ‘aho ua ‘a e Polokalama Haofaki Mo’uí pea mo e Tonga Health Promotion ma’ae kau fakafofonga ki he mo’ui leleí mei he ngaahi siasi takitaha ‘o fakataumu’a ke fa’u ha palani ngäue ke haofaki’i ‘a e to’onga mo’ui ‘a e kakai he siasí, ‘i he loki konifelenisi ‘a e Tungi Colonnade.
‘I he fakamatala ‘a e Sea ‘o e Polokalama Haofaki Mo’uí ka ko e Sekelitali ki he Tesi ‘a e kau Takilotú, Faifekau Fili Lilo, ko e polokalama ako ko ’ení ‘oku mahu’inga ia ke fai ai ha fepotalanoa’aki mo e kau fakafofonga ki he mo’ui leleí mei he ngaahi siasí ‘o fakatefito he ngaahi poloseki ‘e fakahoko ‘aki ‘a e pa’anga tokoni mei he Pule’anga ‘Aositeleliá ki he Potungäue Mo’uí ‘o fakafou he Tonga Health Promotion ke tufaki ki he ngaahi siasi.
“’Oku ngäue’aki leva ‘e he ngaahi siasi ‘a e pa’anga tokoni ko eni ki he ngaahi poloseki tö vesitapoló, ako ki he feime’atokoní, polokalama fakamalohisinó kae pehé ki he sivi mo’ui lelei.”
Ko e polokalama ako ko eni ‘oku fakahoko he ta’u kotoa pe ke toe fakalakalaka ange kimu’a ‘a e to’onga mo’ui e kakaí mei he ngaahi palopalema ‘oku ne uesia ‘a e kakai ‘o e fonuá.
Na’e fakahä ‘e Toketa ‘Ofa Tukia ko e feinga ‘eni ‘a e polokalama ngäue ke to e väofi ange ‘a e fengāue‘aki pea mo kinautolu mei he ngaahi siasi.
“’Oku makatu’unga ‘a e fakakaukau ni koe‘uhí ko e fakatokanga’i e malu pe ko e toe tokolahi ange ‘a e kakai ‘oku nau mo’ua pe ‘oku nau mate he ngaahi fokoutua koia ko e NCD pé ko e mahaki ‘oku ‘ikai pipihi.”
“‘Oku mahu’inga ke fakatokanga’i ‘a e ngaahi ivi mālohi mo e mafai ‘o e ngaahi siasí, kau taki lotú ke fai ai ha tokoni ki hono tau’i e ngaahi fokoutuá ni ‘i he ngaahi siasi takitaha.”
Ko e ako ko ‘eni ‘oku fakapa’anga pe ia ‘e he Tonga Health Promotion.
- MEIDECC
1 comment
-
What a joke , seriously though we look at the photo and we can straight away see some or most of the team leading this so called health seminar are obese or on the edge of being obese. The money would be better spend on giving prizes to encourage competitive events in township lead by Town Officers and District Officers like fast walking , walking the most distance , younger generation can compete in more vigorous activities. Give the people the incentives to motivate their life by giving prize money . It'll be money well spend .