Foki 'a e fetu'utaki 'Initaneti ki he angamaheni Featured
2 Fepueli, 2018. Kuo malava 'a e ngaue ki hono fakafoki 'o e fetu'utaki 'initaneti ki he nomolo pe koe angamaheni hili ia ha'ane mate meimei uike 'e ua.
Na'e kamata ngaue mai foki 'a e 'initaneti 'i he 'aho ni pea 'oku foki ki he angamaheni neongo koe uesia lahi na'e hoko ki he fonua tautautefito ki he fetu'utaki mo e ngaahi pisinisi.
Na'e ma'u foki ha fakamatala mei he Kautaha Digicel na'e mo'ui mai pe 'a e 'initaneti 'anepo pea koe ngaue lahi 'oku nau lolotonga fakahoko ke fakahoko 'a e ngaahi 'initaneti 'a 'enau kau kasitoma.
Neongo 'oku lolotonga fakahoko e valau moe hoha'a ki hono mo'oni 'o e motuhia 'a e fetu'utaki 'initaneti ka 'oku fiefia 'a e kakai 'o e fonua he na'e ongo lahi 'a e motuhia ko'eni.
'Oku kau lelei foki 'a e mo'ui mai ko'eni 'a e 'initaneti he kuo kamata 'a e fa'ahita'u fakaako 2019.
