Tu'uta 'a Pilinisi Harry mo Meghan 'i he 'Otu Motu Anga'ofa Featured
Faitaa: 'Ofa Ki Uelingatoni Ta'e'iloa/NTON
25 'Okatopa, 2018. Na'e tu'uta he efiafi 'o e 'aho i 'i he mala'evakapuna Fua'amotu 'a Pilinisi Harry pehe ki hono hoa Meghan 'a ia 'oku 'iloa kinaua koe Duke mo e Duchess 'o Sussex 'o Pilitania.
Na'e lauafe 'a e kakai mo e fanauako na'a nau fakatefua ki he mala'evakapuna Fua'amotu pea tu'u laine 'i he hala ke talitali 'a e folau fakahistolia ko'eni mei he fale 'o e Tu'i Pilitania ki he 'Otuanga'ofa.
Ko e folau mai foki 'eni 'a e Duke mo e Duchess 'o Sussex hili ia ha'ana 'ahia 'a Fiji pea 'oku 'amanaki kena 'i Tonga ni 'i ha 'aho nai 'e 2.
Na'e me'a 'i he mala'evakapuna Fua'amotu 'a e Ta'ahine Pilinisesi Latufuipeka ke fakafofonga'i 'a e fale 'o e Tu'i 'o Tonga 'i hono talitali 'o e folau faka-hisitolia ko'eni.
Na'e me'a ai foki mo e Tokoni Palemia Semisi Sika pehe ki he ki he kau fakafofonga mei he Pule'anga Tonga.
