Faka’ikai’i mei he ‘Ofisi Palasi na’e ‘ikai fetu’utaki ‘a e Tu’i mo e CEO ‘o e NRL Featured
28 ‘Aokosi, 2018. Kuo faka’ikai’i mamafa mei he ‘Ofisi ‘o e Palasi na’e ‘ikai ha fefolofolai ‘a ‘Ene ‘Afio mo e CEO NRL fekau’aki mo e teuteu va’inga ‘a e timi Mate Ma’a Tonga mo e timi ‘a e Kangaroos.
Na’e tuku mai foki ‘i he ongoono ‘a e NRL.com 'i he 'aho Sapate 26 'Aokosi ‘a e fakamatala na’e fakahoko ha fefolofolai ‘a e Tama Tu’i Tupou VI mo e CEO ‘a e NRL Todd Greenberg ‘o kole ai ‘e He’ene ‘Afio ke fakahoko mu’a ‘a e va’inga ni he ‘oku mahu’inga ki Tonga ni mo hono kakai.
Na’e fakahoko ha fetuutaki ki he ‘Ofisi ‘o e Palasi pea na’e fakaha mahino mei he Lord Chamberlain Viela Tupou ‘oku ‘ikai ke mo’oni ‘a e onoongo ko’eni.
Ko e ongoongo foki ‘eni na’e lahi hono tufaki pea muimui'i pea na’e to’o ‘ehe ngaahi kautaha ongoongo ‘i ‘Aositelelia mo Nu’usila mo Tonga ni foki ‘o lele’i tukukehe ange hono feahevahe’aki ‘i he mitia faka-sosiale.
