Mofuike lahi magnitiute 8.2 na’e tō ‘i he fonua ‘i he ‘aho ni ^Featured

Ko e lahi ‘o e mofuike ko’eni na’e ‘i he magnitude ‘e 8.2 ‘i he lau ‘a e me’afua mofuike pea na’e tō tonu ‘eni ‘i he vaha’a ‘o Fiji mo Tonga.

‘I he fakamatala ‘a e mataotao ‘i he sioloki mei he Potungāue Fonua Taniela Kula na’a ne pehē ai koe fa’ahinga mofuike ‘eni neongo ‘e ne lahi ‘e ‘ikai kene malava ke fakatupu ha tsunami pe koha peau kula he na’e fu’u loloto ki lalofonua ‘a e tō ‘a e mofuke ni.

Ko e lotolotonga ‘o e mofuika ni na’e tōia ‘i he kilomita ‘e 270 hahake ‘o Levuka ‘i Fiji pea kilomita ‘e 443 ki he hihifo ‘o Neiafu.

Ko e feitu’u foki ko’eni ‘oku ‘iloa koe Ring of Fire ‘a ia koe nofo'anga mofuike pe ia 'i he fakamatala 'a e kau sioloki.

Ko e fa’ahinga malohi ‘o e mofuike ko’eni ‘oku ‘i he lahi tatau mo e mofuike na’e mate ai ‘a e tokolahi pea hoko ai mo e peaukula ‘i Siapani ‘i he ngaahi ta’u kuo maliu atu.

Ko e ongoongo fakafiefia pe koe ‘ikai ha fakatamaki pe koha mo’ui ‘e mole.