Pekia Pilinisesi Lavinia-Mata-‘o Taone Ma’afu 'i 'Aokalani Featured
Pilinisesi Lavinia-Mata-‘o Taone Ma’afu kuo pekia
27 Sune, 2018. Kuo ma’u e tala kuo pekia ‘a Pilinisesi Lavinia-Mata-‘o Taone Ma’afu ta’u 66 ‘i ‘Aokalani Nu’usila.
Kuo fakapapau’i foki mei he ‘Ofisi Palasi koe mo’oni ‘a e pekia ‘a e Ta’ahine ka na'e 'kai ha toe fakaikiiki mai.
Ko Pilinisesi Taone foki koe kasini ‘uluaki ‘o e Tama Tu’i Tupou VI pea koe ‘alo ia hono fa ‘i he fale’alo ‘o Pilinisi Fatafehi Tu’ipelehake pea mo Pilinisesi Melenaite Tuku’aho.
Na’e ta’ane foki ‘a Pilinisesi Taone mo Nopele Maafu Tukui'aulahi 'o Vaini pea ‘oku ‘i ai ‘a e fanau ‘e tokou ua ‘a ia ko Tevita ‘Unga Ma'afu mo Fangaake Veikune pehe foki ki he fanga makapuna.
‘Oku te’eki foki ke fakapapau’i mai ‘a e ‘aho ‘e fakahoko ai ‘a e ouau ‘o e pulonga ko’eni kuo to ‘i he fale ‘o Ha’a Moheofo mo Tonga ni foki.
