Hoko ‘a Laki Niu koe fuofua Fakamaau Lahi Tonga Featured
Laki Niu SC
26 Sune, 2018. Kuo tali ‘e he Penolo ‘oku nau fili ‘a e kau Fakamaau Lahi ‘i he malumalu ‘o e Fakataha Tokoni ke fokotu’u ‘a Laki Niu ‘o Nukunuku ke hono ko e fuofua Fakamaau Lahi Tonga ia ‘i he fonua.
Na’e tu’uaki foki ‘a e lakanga ni ‘o fakatatau mo e tu’utu’u ni ngaue mo e Lao ki hono fili ‘o e kau Fakamaau Lahi pea iku ai ki hono fili ‘a Niu ki he Lakanga ni.
Ko e lakanga faka-hisitolia foki ‘eni ki he fonua mo e fuofua a’u ‘eni ha Tonga ki he lakanga Fakamaau Lahi.
Ko Laki Niu foki koe Loea Ma’olunga (Senior Counsel SC) pea kuo fuoloa ta’u ‘ene ngaue faka-lao pehe foki ki he’ene taukei faka-lao ‘i he fonua.
Na’e ‘osi hoko foki koe Fakafofonga Fale Alea ma’a e vahenga Tongatapu ‘i he ngaahi ta’u kuo maliu atu tukukehe ange 'ene ngaahi taukei 'i he tapa kehekehe 'o e mo'ui.
Ko Laki Niu foki kuo ‘osi ma’u hono faka’ilonga LLB mei he ‘Univesiti ‘Aokalani pea 'e kamata ngaue ki he lakanga fo'ou ko'eni 'i he 'aho Monite 2 Siulai 2018.
3 comments
-
Talamonu atu ki he Fakamaau Lahi fo'ou ko 'eni. Tumutumu e fiefia 'i he founga hono fili 'o e tokotaha ni he na'e tomu'a tu'uaki 'a e lakanga pea toki hoko atu 'o faka'osi 'aki hono fili 'o e tamai'o ';eiki ko 'eni. 'Ikai ngata ai ka 'oku toe 'i he malumalu pe 'o e Fakataha Tokoni. Kuo tau anga 'i he 'epoki 'o e mono atu pe ha famili pe ko ha maheni, etc ki ha lakanga pea koe founga 'oku lahilahi 'ene 'asi mai 'i he kuonga maama ko 'eni. 'Okapau na'e to'o 'a e mafai ko 'eni mei he Tu'i pehe kuo mono atu ha fu'u Kava-Tonga ke mohe pe mo vahe papela 'i he lakanga ma'olunga ni.
-
Ko e toki fuofua Fakamaau Lahi Tonga pe a Laki Niu. Ko e kau Fakamaau kimu’a koe kau Palangi kotoa pe. Ka hei’ilo kihe kuonga o Epalahame.
-
Kataki hangee kiateau ne OSI iai pe fkmaaulahi Tonga kimua.ikai keu loto keu comment.ka Joe vakai no atu pe kia fuofua fkmaau lahi fklea hala.koe poupou atu.malo e ngaue.kataki oua ai hake eku comment.mslo