'Ahia 'e Pilinisi Harry mo hono uaifi Meghan 'a e 'Otu Motu Anga'ofa Featured
Duke mo e Duchess 'o Sussex
12 June, 2018. Kuo ma'u 'a e fakaha mei he Palasi Kensington Palace 'e 'ahia 'e Pilinisi Harry mo hono uaifi Meghan 'a e Tahi Saute 'i he faka'osinga 'o e ta'u ni.
'Oku 'iloa foki 'a e ongo mali ko'eni hili 'a e ta'ane faka-Tu'i kuo tau situ'a kiai pea mataa 'e mamani koe Duke mo e Duchess 'o Sussex (Duke and Duchess of Sussex) 'a ia 'oku kau atu 'a Nu'usila, Fisi mo Tonga ki he 'a'ahi ko'eni 'a ia 'oku faka'aho ki 'Okatopa 'aho 20 ki he 27.
Ko e ongoongo lelei foki 'eni ki he ngaahi fonua hotau Potu Tahi ni pea koe ngaahi fonua kotoa 'oku 'amanaki fakahoko mai kiai 'a e 'a'ahi koe ngaahi kolonia tutuku 'o Pilitania tukukehe ange 'a Tonga ni pea 'oku nau memipa kotoa ki he Kauaha 'a e Kominiueli 'a ia 'oku 'ulu ai 'a e Tu'i Pilitania.
'Oku 'ikai ke fo'ou foki ki Tonga ni 'a e fetu'utaki moe Ha'a Tu'i Pilitania pehe ki hono toutou 'ahia 'o e 'Otu Anga'ofa 'e he Ha'a Tu'i Pilitania 'o a'u mai pe ki he ngaahi ta'u ki mui ni mai.
1 comment
-
Oku uhinga a e aahi mai a e ongo tamaiki koeni koeuhi koetau Pule’anga Faka Tu’i. Pea kou faka’amu mai ke tala atu eha taha kia kinautolu oku feinga a e Pule’anga koeni ke tau’i a e Pule’anga Faka Tu’i pea oku toe involve a e Pule’anga koeni i he Drugs hono hu mai ki Tonga ni pea oua tena omi.