Koula ‘a e Kava Tonga mo e Vanila: Faka’alai’ali Ngoue 2017 Featured
18 Siulai, 2017. Kuo mahino mei he Faka’ali’ali ngoue ‘a e ngaahi ‘otu motu Tokelau ‘a e hoko ‘a e Kava Tonga mo e Vanila koe koula ki he kau ngoue.
Na’e mahino pe mei he Faka’aliali Ngoue ia ‘a e Vahefonua Vava’u ‘a e tu’unga ‘o e totongi ‘o e Kava Tonga ‘a ia ‘oku a’u ki he pa’anga ‘e $150 ki he kilo.
Na’e toe fakamahino foki ‘e he ‘Eiki Minisitā Ngoue Semisi Fakahau ‘i he Faka’ali’ali Ngoue ‘a e Vahefonua Niua Fo’ou ‘a e a’u ia ‘a e Vanila ki he tu’unga totongi ma’olunga taha ‘a ia koe $139 ‘Amelika ‘a ia ko e pa’anga Tonga ia ‘e meimei $280 ki he kilo.
Na'a ne toe me'a foki koe kelekele 'o Niua Fo'ou 'oku lelei taha ki he tō 'o e vanila. 'I he taimi tatau 'oku mahino ko e kelekele 'o Vava'u 'oku lelei ia ki he tō kava pehe ki he vanila foki.
‘Oku mahino mai mei he tu’unga ma’olunga ‘oku a’u kiai ‘a e totongi ‘o e ongo ngoue faka-komesiale ko’eni ko e vaivai ‘o e kau ngoue hono tō ‘o e ongo ngoue ni.
Ko e ngāue lahi 'i he la'ā. momoko mo e 'uha foki 'oku fakahoko ki hono tō 'o e ongo ngoue ni pea 'oku mo'oni 'etau lea Tonga pe ki he Folofola "'oku ma'u 'a e mā 'i he kakava".
‘Oku mahino pe foki koe tapuaki ‘eni ki he kau ngoue kau tautautefito ki he ‘otu motu Tokelau ‘o hange ko Vava’u mo e ongo Niua pea kuo a’u ‘eni ki he kakai na’e nofo muli kuo nau foki mai ki motu ke tō kava mo tō vanilla.
2 comments
-
Oku osi iai a e lipooti ia kuo ma'u mei hono tesi o e kava oku fele a e ngaahi koloa ia oku ngaahi mei he kava, a'u ki he fo'i 'akau faito'o. Pea kou sio atu leva, ko e ngaue lahi foki hono tauhi 'o e kava tautautefito 'i ha ta'u lahi, la'aa mo e 'uha ke ma'u e quality 'oku lelei, pea kou fokotu'u atu ka $200 - $300 hono mahu'inga ki he kg, ko e tonu taha ia.
Malo ena ia kuo tu'u e vanila ia ki ha tu'unga 'oku lelei, ko e 'ange'ange fakala'aa ia he tauhi 'o e kava ke 'oua na'a kaasia 'e ha mahaki, i hono lehilehi'i o e fu'u vanila na'a kainikavea 'e ha mahaki.
Na'e 'i ai e launga lahi 'e taha i he totongi o e ongo me'a koeni 'a e kava mo e vanila, pea toki 'ilo kimui ta ko e kau Agent ia kuo launga 'ikai ko e kau Business totonu koeni ku nau fai e fakatau.
Fakamalo atu Vava'u Lahi mo Ongo Niua hono to e 'akau koeni ke ne langa hotau fonua, mo'ua moutolu he ngaue kae mo'ua pe a Tongatapu ia he ngaahi mala'etapulu mo e paaka. -
Oku fu'u mamafa 'aupito pe 'a e kava ia .. koe koloa koia oku makatu'unga pe ia 'I he kau kava Tonga pea koe kakai Tonga pe oku nau mama kava pea 'ikai kau ai ha muli..Neongo hono uta mai ki muli ni ka koe kau Tonga pe oku inu kava .. Kuo taimi ke kau e potungaue mo'ui pea moe tafa'aki ki he me'a tokoni ke fakapapau'i kapau kuo 150 ki he kilo pea mahino koe quality o e koloa koia oku fakatau 'ehe kakai oku sai pea 'I he lelei taha, ma'a mo malohi.. kaekehe tufi ai leva he koe mahu mole