Fakamalōlō’i ongo ‘ofisa sōtia koe fakamamahi ^Featured

Ko e polokalama likuluti mo e ako foki ‘eni na’e kau fakataha kiai ‘a e kau ‘ofisa sela, kau ‘ofisa tamate afi kae pehe ki he Kau Tau ‘Ene ‘Afio.

Na’e makatu’uga hono fakamalōlō’i ‘o e toko ua ko’eni mei hano launga’i mo fakamo’oni’i na’a nau fakamamahi’i ‘o heva atu mei he me’a totonu na’a totonu kenau fakahoko ‘a e ni’ihi ‘o e kau ako ko’eni.

Na’e kau heni hano ngāue’aki ha helepelu, puti, pōvai pea ‘ikai ke fa’a laua hono kapekape’i mo lea kovi’i ‘a e kau ako ko’eni.

Ko e founga anga maheni foki ‘eni ‘oku ngāue’aki ki hono teteu faka fisikale ‘a kinautolu ‘oku pole ki he fa’ahinga ngāue ko’eni ka ‘oku ‘ova ‘eni ‘o fakatatau ki he fakamatala mei he Kautau ‘Ene ‘Afio.

Na’e launga foki ‘a e mātu’a ‘a e ni’ihi ‘o e fanau ko’eni ki he Kau Tau ‘Ene ‘Afio pea na’e fakamatala ‘e he ni’ihi ki he ngaahi mītia ‘a e uesia ‘enau fanau he me’ani pea iku ‘ikai toe fie hoko atu ‘a e ni’ihi.

Na’e toe fakamahino mei he Kau tau ‘Ene ‘Afio ‘oku ‘ikai kenau poupou ki he founga ko’eni ‘a ia ‘oku hala fakalao mo fakangāue foki.