Me’a atu Palēmia ki hono katoanga’i e 50 ta’u ‘a e Tau’atāina ‘o e ‘Otu Motu Kukí Featured
Cook Islands Dancers
Nuku'alofa, 3 'Aokosi 2015. ‘Oku ‘amanaki ke me’a atu ‘a e Palēmia ‘o Tonga, Hon. Samuela ‘Akilisi Pohiva ke kau fakataha mo e toenga ‘o e kau Taki ‘o e Pasifiki ‘i hono tali lelei ‘a e fakaafe mei he Palēmia ‘o e ‘Otu Motu Kuki, Hon Henry Puna, ke nau kau atu ki hono katoanga’i e 50 ta’u ‘o e Tau’atāina ‘a e ‘Otu Motu Kuki ‘i he ‘aho Tusite 4 ‘o ‘Aokosi 2015.
Na’e kamata ‘a e vā ngaue fakatipilometika ‘a e Pule’anga Tonga pea mo e Pule’anga ‘o e ‘Otu Motu Kuki ‘i ‘Aokosi 2014. ‘E kau ‘a e folau ko ‘eni ‘a e ‘Eiki Palēmia ke toe vaofi ange ai ‘a e vā fakakaume’a mo fetokoni’aki ‘a e ongo Pule’anga.
‘Oku muimui folau ‘i he Palēmia ‘a e Sekelitali Pule mo e Sekelitali ki he Kapineti, Dr. Palenitina Langa’oi.
NGATA’ANGA
Tukuatu mei he:‘Ofisi ‘o e Palemia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62.Tel: (676) 24 644 Fax: (676) 23 888; Ngaahi Faka’eke’eke- Email: This email address is being protected from spambots. You need JavaScript enabled to view it.
2 comments
-
Folau ai leva Palemia he faingamalie pea 'ai ke lahi ange ho taimi 'i muli 'i Tonga ni he kuo ke motu'a pea koe me'a ia 'e kau lelei ko ho'o mavahe keke manava lelei mei he pressure he koe fatongia na tene tamate'i ko e.
-
'Oku ou manako ma'u pe keu lau 'a e ngaahi lipooti a e PM heene ngaahi folau, he oku mu'a tukuange ma'u mai pe foki he TNEWS pea toki faka 7 mo 8 atu 'a Nuku'alofa, pea koia pe ia. Na'e me'a ki Ha'amoa 'a e PM pea me'a mai 'o uki e fakama'a 'o Nuku'alofa pea fakahoa ma'u pe 'etau me'a kotoa ki Ha'amoa. 'Oku 'i ai 'a e fakatu'amelie ki ha'ane me'a mai mei he folau ni, he'ikai ke ta'e liliu hotau teunga ta'olunga mo e founga 'o e ta'olunga ki he me'a 'a Kuki 'Ailani, pea kuo mo'oni 'a e hiva maaalie kolisi fefine ....'iuvi'i ...