Fakaola 'e he Tama Tu'i Tupou VI 'a e fuofua faama ma'u'anga ivi 'a e fonua mei he havili ^Featured

Ko e poloseki ko'eni koe lahi taha ia kuo fokotu'u 'i he fonua pea na'e 'afio tonu ai 'a e Tama Tu'i pehe ki he 'Amipasitoa 'o Siapani ki he Pule'anga Tonga  H.E. Mr. Tetsuya Ishii ke fakaola 'a e ngaue mahu'inga ko'eni..

Na'e feunga mo e mahina 'e 10 'a hono langa mo fokotu'u 'a e ngaahi tapili ma'u'anga ivi ko'eni mei he havili pea 'oku fakafuofua ki he mekauate (megawatt) 'e 1.3 tene malava ke 'omai ki he ma'u'anga 'uhila.

Ko e fuofua poloseki lahi 'eni ki ha ma'u'anga ivi mei he havili 'oku fakapa'anga 'e he tokoni 'a e Pule'anga Siapani pea na'e fe'unga moe pa'anga 'e 42 miliona hono mahu'inga..

'I ha fakamatala mei he Potungaue MEIDECC 'oku pehe ko e ma'u'anga ivi ko'eni tene malava ke fakasi'isi'i 'a e fakafalala 'a e fonua 'i he ma'u'anga ivi mei he lolo tisolo pea 'e fakasi'isi'i ai 'a e 'uli 'a e 'atakai 'ikai ngata ai 'e faingofua pea toe ma'ama'a ange ha ma'uanga ivi 'oku ma'a ki he fonua 'i he'ene tu'u ki he kaha'u.

Ko e ngaahi tapili ko'eni mei he havili 'oku malava pe ia ke to'o 'o tuku kiha feitu'u 'oku malu 'i ha taimi 'e hoko ai ha fakatamaki fakanatula 'o hange koha saikolone.