Taki ‘e he Palemia he Kau Folau ki he Fakataha hono 49 ‘a e Kau Taki Ngaahi Fonua ‘o e Pasifiki Featured
31 'Aokosi, 2018. 'E tataki ‘e he 'Eiki Palemia, Hon. Samuela ‘Akilisi Pohiva 'a e kau folau ‘a e Pule’anga Tonga ki he Fakataha Fakata’u hono 49 ‘a e Kau Taki ‘o e Ngaahi Fonua Memipa he Kautaha Fakapule’anga ‘a e Ngaahi Fonua ‘o e Pasifiki ki Nauru.
Ko e kaveinga 'o e Fakataha ‘o e ta’u ni, “Ko hono Langa ha Pasifiki ‘Oku Kaukaua : Ko Hotau Kakaí, Ko Hotau ‘Otumotú; Ko Hotau Loto”.
'E kamata e fakataha ‘o e ta’u ni he 'aho Monite 3 'o Sepitema 'o kamata'i 'e he Fakataha ‘a e Kau Taki ‘o e Ngaahi ‘Otu Motu Iiki ange (SIS), hokoatu ki he Fakataha ‘a e Kau Taki ‘o e Ngaahi Fonua Pasifiki ‘oku memipa he kulupu ko e ‘Afilika, Kalipiane, Pasifiki (PACP) pea faka’osi ‘aki 'i he houa efiafi ‘a e ouau huufi ‘o e Fakataha Fakata’u hono 49.
'I he 'aho Tusite ko hono 4 'o Sepitema, 'e fakataha ai 'a e Kau Taki ‘o e Ngaahi Fonua ‘o e Pasifiki (PIF) pea mo e kau fakafofonga mei he ngaahi kulupu Sosaieti Sivile, hokoatu ki he'enau alealea mo e ngaahi memipa taautaha mei he Sekitoa Taautaha.
'I he hili pe 'a e hou'a 'ilo ho'ata 'e hoko atu 'a e Kau Taki 'a e Ngaahi Fonau 'o e Pasifiki (PIF) ki ha'anau fakataha mo e kau Taki ‘o e Ngaahi Fonua ‘oku te’eki Memipa Kakato ‘i he Kautaha ‘a e Kau Taki (Forum).
Hili ia tenau hoko atu ki he fakataha pea mo e kau fakafofonga mei he ngaahi Fonua ‘oku nau Fetokoni’aki vaofi mo e Pasific (Dialogue Partners).
'I he 'aho Pulelulu ko hono 5 'o Sepitema 'e kamata'aki ha fakataha ‘a e Kau Taki mo e mo e kau Talekita Pule ‘o e Ngaahi Kautaha Fakavaha’apule’anga he Pasifiki (CROP agencies) pea hokoatu ki ai ‘enau Fakataha Fakaekinautolu pe ‘a e Kau Taki (Retreat) ‘a ia ‘e meimei ‘aho kakato ‘a e polokalama ko ia.
‘E faka’osi ki he houa ‘ilo mo e fakafiefia fakafonua ‘i he houa efiafi. Ko e polokalama tapuni ‘o e Fakataha ‘e fakahoko ia ‘i he ‘aho 6 ‘o Sepitema.
3 comments
-
Lets hope he won't dishonour himself a second time ! " Life is a dream for the wise, a game for the fool , a comedy for the rich , a tragedy for the poor ' how appropriate a saying for some of the so called honourable ministers in this Government . With all due respect to the Premier , he should not talk at the forum like he talks at the faikava circle for instance forum discussion is of serious matters , faikava talk is over everything and nothing , so no mention of weight loss , or otherwise . Enjoy the banquet at the end off the meeting be quiet and try to look intelligent .
-
Tonu ke tui ha su leta e Tangata'eiki na'a hekea ha kapeti i Naulu
-
Mou teuteu ki ha fo'i ngali vale 'e taha hhh