Kamata Puna Vakapuna SAAB 340 'a e Real Tonga Featured
Neiafu, 3 Me 2016. Na’e tu’uta ki he Mala’evakapuna Lupepau’u ‘i he pongipongi ‘aneafi Monite 2 Me 2016 ‘a e fuofua puna ‘a e vapuna SAAB 340 ‘a e kautaha Real Tonga. Ko e vakapuna sea 37 foki ‘eni pea ‘oku hoko ‘eni koe faka’amanaki lelei ki he fepuna’aki fakalotofonua.
Fakatatau ki he fakamatala mei he kautaha Real Tonga ko e vakapuna ko’eni ‘oku sea 37 pea na’e ngaue’aki ‘a e kalasi vakapuna ko’eni ‘e he kautaha Air New Zealand ki he’ene fepuna’aki he tukui motu ‘o Nu’usila. Ko e fakakoloa foki ‘eni ki he Takimamata ‘i he fonua he ‘oku malava ‘e he kalasi vakapuna ko’eni ke fakafolau ha kau pasese tokolahi ange.
Na’e ‘i ai foki ‘a e hoha’a mei he sekitoa Takimamata fekau’aki mo e tu’unga ‘o e fepuna’aki faka-lotofonua ka kuo mahino mai ‘eni ‘o fakatatau ki he fakamatala mei he kautaha Real Tonga ‘oku nau nga’unu pe ki mu’a ke fakakakato ‘a e fiema’u ni.
Na’e lava atu foki ‘a e fakafofonga ‘o e ongoongo ni ‘i he puna fika ua ‘a e vaka ni ‘i he efiafi ai pe ‘aneafi pea na’e mahino ‘a e tu’unga lelei, vave mo ‘ataa foki ‘a e vaka ni ki he fefolau’aki.
4 comments
-
'Oku hanga pe 'ehe loto ia 'o fakafaingata'a'ia'i 'etau feinga. 'Oku ou tangane 'ia he feinga 'a Vaipulu ke ma'u mai 'a e MA60 'ikai mole ai ha peni 'a e fonua pea hanga 'ehe politiki 'o 'ai me'a'ofa ni ke tu'ungafulufulua he 'oku toe fingata'a'ia 'a e Real Tonga koe ngaue 'a e Civil Avaition 'a Tonga. Kaikehe koe me'a 'oku ui koe kole 'e he poto kae tukunoa'i 'ehe vale.
-
Fehi'a nautolu ka Samiu Vaipulu na ne kole mai e vaka pea linoa'ia'i e vakapuna me'a'ofa ia, faka'amua mai 'e he ngaahi fonua lahi ha fu'u vaka pehee kenau ngaue'aki. Ko e 'ai ai 'etau pakupaku mo e laulaunoa. Kou nofo o sio atu ka ne sai'ia 'a Tevita Palu he fu'u vaka kuo osi fakamole ke feinga'i ke puna, ka 'oku hanga kateau oku ne puke pe eia ke oua na'a toe ma'u 'e ha kautaha na'a fe'auhi mo 'ene kautaha. Kaikehe ko'etau sio kotoa pe mei tu'a he taimi ni 'oku tonu katoa pe ia ee ...
-
Tuku e MA 60 ia na'e kole ta'etotongi mai pea fo'ou lelei...
-
Fakamalo atu ka Tevita Palu he langafonua oku fai. Nae foaki atu foki moe vakapuna MA60 kiate kimoutolu pea oku hange oku fakatupufifili hoomou toe omai emoutolu a e vaka koena. Aia oku fuu kovi pe a e MA60 ia？