Hoko e fehulunaki Timi Koa 'a e PTOA ke ‘asi mai lanu totonu ^Featured

'Etita,

Kuo hoko e ngaahi felaauaki mo e fetēleni ‘a e kau PTOA ke mahino lelei mai ‘enau taumu’a totonu.

Ta ‘oku ‘ikai taumu’a ia ke fakafofonga’i e kakai honau takitaha vahenga ka koe fiema’u mafai.

Ko e ngaahi lea ne ‘asi hake he felaauaki ko eni koe tukuaki’i ‘o Mateni Tapueluelu ne ‘ikai mei “mole pule’anga mei he PTOA” ko ‘ene ngaue.

Lea fakafofonga ‘e taha ‘o tala kuopau ke tau ma’u e Mafai.

Ko e palopalema eni kapau ‘e toe pule’anga ‘a e PTOA 'e toe fakalilifu ange.

Kuo ‘osi ‘asi mai ia he taimi ni ‘e pule kau poupou ia he kau fakafofonga.

Kuo ‘asi mai mo e lea “’ikai ke ‘aonga ‘emau ngaue popula, fielaulau, to’o toki” mo nau fakamanamana mai ki he kau fakafofonga ke nau fai ha me’a.

Kuo nau tau kape mo tau’aki ta’aki pe kinautolu ‘iate kinautolu.

Ongona mai e fakataha ‘a e Koa Timi koaa pe ‘oku tonu ‘eku ma’u, lea e tama fakamanamana, hoko hake mo e tama fakamanamana pea fefe ai kapau tenau toe pule’anga.

‘Ikai koe me’a pe 'eni ne hoko lolotonga e pule’anga ‘a e PTOA koe pule’i atu mei tu’a hange ko ia ne lea ki ai ‘a Mateni?

Ko e fehu’i ‘e taha, koe ha e kukukuku ‘a Mateni ‘oku ilifia ai e Timi Koa ke tuku ia ki tu’a.

Ko Mateni foki koe faiongoongo tutuku he ‘oku ‘ikai ke toutai noa, ka ne toe alaala to’o pe foki.

Faka'apa'apa Atu,

Sī Namu Ta’efeongoongo’i