Tuku ki tu'a Setita Tu'i'onetoa, Vilisoni Tu'iniua mo Salamo Fulivai mei he Letio Tonga Featured
Vilisoni Tu'iniua, Salamo Fulivai mo Setita Tu'i'onetoa
17 Sanuali, 2019. Kuo ma'u 'e he ongoongo ni ha fakamatala falala'anga pea kuo fakapapau'i mei he Komisoni Fakamafolalea 'a Tonga kuo tuku ki tu'a 'a Setita Tui'onetoa 'a ia koe Pule Siteisoni (Station Manager) 'a e Letio mo e Televisone Tonga fakataha mo e ongo faiongoongo 'e ua ko Vilisoni Tu'iniua mo Salamo Fulivai.
Ko hono tuku 'eni 'o e toko 3 ko'eni ki tu'a fekau'aki mo e ngaahi launga na'e fakahoko fekau'aki mo kinautolu 'o kau ai 'a e launga na'e fakafou mai mei he 'Eiki Palemia fekau'aki mo 'enau fakahoko fatongia kae tautautefito ki he Pule Siteisoni Setita Tu'i'onetoa.
Na'e fokotu'u mai foki mei he Palemia Pohiva Tu'i'onetoa ki he Sea malolo 'o e Poate Komisoni Fakamafolalea 'a Tonga Piveni Piukala ke fakahoko ha ngaue ki he toko tolu ko'eni 'i ha'ane tohi hangatonu ki he ki he Sea 'i he mahina ko Novema 2019 ka na'e 'ikai fakahoko ha ngaue kiai.
Na'e fakahoko foki mei he ma'u mafai 'a e tu'utu'uni ke tuku 'a e toko tolu ko'eni ki tu'a 'aneafi Tu'apulelulu ko hono 16 'o Sanuali 2020 pea kuo nau 'osi mavahe.
'Oku mahino kuo tuku 'a e toko tolu ko'eni ki tu'a kae fakahoko ha fakatotolo ki he ngaahi faihala 'oku tukuaki'i kinautolu kiai.
