‘Ikai tali ‘e he Letiō Tonga ke fakamafola ‘a e Polokalama Komiti Fakafonua Fakafepaki’i Faihala Featured
28 Sanuali, 2019. Kuo ‘ikai ke tali ‘e he Letiō Tonga kenau fakamafola mai ‘a e ngaahi polokalama ‘a e Komiti Fakafonua ki hono Fakafepaki’i ‘a e Faihala (KFFF).
Ko e ngaahi polokalama ‘a e KFFF kuo ‘osi lele ia he katoa ‘o e ngaahi Letio ‘i Tongatapu pea ‘oku toe lele foki ‘i he ngaahi ‘Otu Motu.
‘Oku toe tuku atu foki ‘a e ngaahi polokalama ko’eni ‘i he peesi facebook ‘a e Komiti Fakafonua Fakafepaki’i Faihala 'i he tu'asila https://www.facebook.com/groups/323838751673637/ pe koe Koe Komiti Fakafepaki'i Faihala.
Fakatatau ki he fakamatala mei he KFFF na’e hiki foki ‘e he Letio 87.5 (Broadcom Broadcasting) ‘enau ngaahi polokalama pea toe hiki vitiō ‘e he kau faitaa pe ‘a e KFFF ka na’e ‘ikai ke tali ‘e he Letiō Tonga kenau fakamafola mai.
‘I ha fakamatala mei he KFFF na’e ‘osi fakahoko a e fetu’utaki ki he Letiō Tonga pea na’e fakahā mai ‘oku loto ‘a e Tokoni Pule Setita Tui’onetoa ke ‘aluange ‘a e kau memipa ‘o e KFFF ke hiki pe ha’anau polokalama ‘i he Letiō mo e Televīsone Tonga pea ‘e ‘omai moha kau penolo mei he tafa’aki ‘a e Pule’anga kenau penolo.
Na’e fakahā mei he KFFF ‘oku ‘ikai kenau tali ‘a e fokotu’u ko’eni he ko’enau polokalama koe polokalama tau’atāina ‘o tatau pe moha toe pokokalama ‘a ha fa’ahinga Komiti pe Kautaha ka ‘oku faka’ohovale ‘a e fokotu’utu’u mai ko’eni mei he Letiō Tonga ‘a ia ko’ene toki hoko ‘eni ha me’a pehe ‘i he hisitōlia ngaue ‘o e Letiō Tonga.
‘I he fakamatala mei he KFFF koe me’a ia ‘a e Pule’anga pe tenau fakahoko ha’anau Polokalama ‘o tali ki he ngaahi polokalama ‘a e KFFF ka ‘oku ‘ikai ko’enau pule’i mai pe ‘a e me’a ke fakahoko he ‘oku mole ai ‘a e tau’atāina ia ‘a e ongoongo.
Na’e toe pehe foki mei he KFFF ko ‘enau ngaahi polokalama ‘oku makatu’unga pe ‘i he ngaahi ngāue ‘oku nau lolotonga fakahoko ‘o kau ai ‘enau tohi tangi ki he Tu’i ke veteki ‘a e Fale Alea pea mo hono ngaahi makatu’unga pehe ki hono ngaahi fakamo’oni mo e ngaahi kaveinga ‘oku taumu’a ki hono fakafepaki’i ‘o e faihala ‘i he fonua.
Na’e hoko atu ‘a e KFFF ‘o pehē ko’enau polokalama ‘oku makatu’unga pe he ngaahi mo’oni’i me’a (facts) kuo ‘osi ‘i ai hono ngaahi tohi fakamo’oni faka’ofisiale pea ‘oku ‘ikai ke ‘i ai ha loi pe lau’ikovi’i ai ka ‘oku taumu’a ke ‘ilo ‘a e kakai ‘o e fonua ki he ngaahii me’a ‘oku totonu kenau ’ilo kiai he ‘oku ‘i ai ;enau tootnu faka-Konisitūtone kiai.
Na’e aofangatuku foki mei he KFFF ‘a ‘enau pehe ‘e ‘ikai kenau fakahoko ‘enautolu ha polokalama ‘i he Letiō Tonga he ‘oku ‘ikai ke tau’atāina pea ‘oku 'ikai kenau tali ke ‘omai ha kau penolo mei he Pule’anga he kuo nau toutou fanongo ‘i he’enau fa’ahinga founga faka’uhinga ‘a ia ‘e mole ai ‘a e laumalie totonu ke fakahoko ‘aki ha pēnolo pea 'oku nau fiema'u ke nofo pe he 'uhinga totonu moe melino.
Na’e toe fakamaino pe mei he KFFF ‘oku fakahoko mo’enau ngāue ke fakatonutonu ‘a e fakapōpula ko’eni he koe Letiō ‘a e fonua pea ‘oku totonu ke tau’atāina ki he kakai ‘o e fonua ke fakahā ai ‘enau fakakaukau.
1 comment
-
What is new, Mr Editor? Is not true of what philosophers say, that history merely repeats itself, perhaps not wholly but at least partially essentially! This political pattern is fundamentally the same with the rule of all dictators in history, as in the case of Nazist Germany, Facist Italy and Communist Russia, where the free-flow of information was strictly dictated, centralised or controlled, not to mention the strict dictation, censorship or control of art and literature amongst many other things. This undemocratic action is democratically unthinkable on the part of TBA, truly politicised and politically-made to chair by Leonaitasi Hoponoa, together with the political appointment of Setita Tu'i'onetoa and all in the forefront, doing things by being willingly blindly and senselessly for, and dictated by, the senile, senseless and inconsiderate Prime Minister Mr Samiuela 'Akilisi Pohiva -- all for their individual and selfish gains over and above their ethically and morally yet truly right minds and the overall good and all-round benefits of all Tonga!.