Kalo e Palemia mei he fakataha ‘a e APEC ke feohi mo e ngaahi hoa ‘o e kau taki Featured
Palemia 'o Tonga mo e ni'ihi 'o e ngaahi hoa 'o e kau taki na'a nau kau atu ki e fakataha a e APEC 'i Papua New Guine
21 Novema, 2018. ‘Oku tuku mai foki ‘e he mitia faka-soisiale pea a’u pe ki he ni’i hi ‘o e kau faiongoongo muli ‘a e ‘ata ‘o ‘etau Tangata'eiki Palemia ‘oku kau atu ki he polokalama ‘a e ngaahi hoa ‘o e kau taki na’a nau kau atu ki he fakataha ni.
‘Oku anga maheni ‘aki pe foki ia ‘i he ngaahi fakataha lalahi pehe ni ‘oku ‘i ai pe ‘a e polokalama ia ki he ngaahi hoa ‘o e kau taki ‘o kau ai ‘enau ‘eve’eva holo pe ‘o a’u ki he’enau lava atu ‘o ‘eva ki he ngaahi matatahi pe koe ngaahi feitu’u ‘oku kaungatonu ki he anga fakafonua ‘o e fonua ‘oku nau ‘i ai mo e ngaahi fakafiefia kehe pe.
‘Oku ‘ikai foki ke ‘oatu ‘e he ‘imisi ko’eni ha ‘ata lelei ‘o e fonua ki Tu’apule’anga pea ‘oku ha ngali fakaoli ke tukuange ‘e he taki ia ‘a e fakataha mahu’inga na’e ‘uhinga ai ‘ene folau atu pea totongi ‘aki ‘a e pa’anga tukuhau ‘a e fonua kae kau atu ia ki he polokalama ‘a e kakai fefine ‘a ia ‘oku ho’ata mai ‘oku manukia ‘e he kau faiongoongo moe kakai muli pea ‘oku ne tukuhifo ai hono ngeia mo e fonua.
Na’e tuku mai foki ‘e he tangata faiongongo ‘iloa mei Nu’usila ka ‘oku lahi ‘ene ngaue ki he Pasifiki ko Micheal Field ‘i he mitia faka-sosiale ‘a e ‘ata ‘o e Palemia ‘a ia na’a ne fakalea ‘o pehe ‘i he lea faka-Tonga “Ko e Palemia ‘o Tonga ‘i he fakataha ‘a e APEC ‘i PNG - Li’aki ‘a e konga mahu’inga ‘o e fakataha ka e feohi mo e ngaahi hoa ‘o e kau taki”.
‘Oku fehu’ia heni ‘a e fatongia ‘o e kau fale’i mo e kau muimui folau pe koe ha na’e ‘ikai ke fale’i lelei ai ‘a e tangata’eiki he neongo ‘ene fie ‘eva mo e kau fefine pea ‘oku ‘i ai ‘ene tau’ataina ke ‘eva mo malolo pea 'oku 'ikai hano kovi ka ‘oku ‘i ai hono fatongia ki he fonua pea koe Palemia ia pea 'oku totonu ke kau atu ki he fakataha.
‘Oku fu’u mahino ‘oku ‘ikai koha ‘imisi lelei ‘eni ‘oku ‘oatu heni pea ‘oku fakakata ‘aki ‘e he ngaahi fonua ‘i he levolo faka-tipilometika mo faka-polofesinale pea ‘oku ‘ikai totonu ke to’o ma’ama’ama ‘eni he ‘oku ngali kovi ai ‘o ‘ikai ngata pe he Palemia ka koe fonua fakalukufua.
3 comments
-
" To be old-fashioned gentlemen ; Chivalry is still in demand " ! That must've been the thought on his mind whilst sitting with the wives of the leaders ; who are engaged in discussing whatever the leaders were suppose to hash out , but because the Premier of Tonga is such a gentleman he took on the responsibility of chaperoning the spouses while one of his henchman represent him at what's men't to be a meeting for leaders only . How bizarre . What more can be said about the behaviour pattern of this man .
-
Óku íkai ko ha toe loi e fakamatala moóni mo mahuínga ke fakatokangaí é he fonua kuo fai ko eni é Fahina. Tauange ke áonga ki he kakai óku nau kei fakaveiveiua í he tuúnga ó e átamai moe aúsia á e motuá taéako kane lohilohiákií pe kakai taéako mo e fuú kakai ako ónau tui ki ai pea iku ó heka he sea ó e PM pea nau toki óho holo ke fakahifo. Kuo foki mai foki e kakai ako tokolahi ka óku kei tokolahi pe nofo atu ko e ilifia he mavahe naá mole ngaue mo ha ngaahi monuía óku nau maú mei he vale. Ko e Santa Claus eni óku ai éne tangai meáófa é taha mo e ngeési tangai é 100 ke faó ki ai hono pale kuo óange é he kau taéako ke foki moia ki hono famili moe kau gang PATOA. Óku tau ílo e MALA ó e kelekele pea óku tau fakamamaó mei he kaaka í ha meá fekauáki moe kelekele naá uú ía tautolu pe ko hotau hako. Óku íkai ha teki e taha á e PM valengangau ni óku íai hono nunuá ó éne taéófa óku fai ki he Fonua pea tene inu mo hono hako. Ko e hia fai ílo é he kií famili vale ngangau ni. Tau tali pe ke tau fakamoóni ki honau tautea mei Langi.
-
Ko e me'a ke mahu'inga kainga Tonga ke mou 'ilo'i oku 'ikai ko ha Taki 'eni ia oku mahu'inga kiai e fonua fakaluukufua mo ha visone ma'a Tonga. Ikai, oku 'ikai ke makupusi 'e hono 'atamai 'o na e fo'i me'a koia.Oku nofo 'I hono loto 'ona a e mafai o e Tu'i moe hou'eiki 'o Tonga ke oange mo'ona. Oku 'iai e kakai ia oku ne nima'aki ke fai e fatongia kae takai holo pe he tafa'aki o tali ke kai he melie. Ka 'I hono loto oku nofo pe ia 'I Tonga moe feinga ke toe lahi ange hono mafai.
Oku 'ikai ha'ane 'ilo pea fakamisiteli kiai a e negotiation pea moe talanoa fakavaha'a fonua pea oku asi mai pe ia 'I he'ene ngaahi lea na'a ne ngaue'aki he ngaahi fakataha lalahi fakaemamani lahi kuo kau kiai. Oku mahino 'a e pukupuku si'i hono 'atamai pea koe 'uhinga ia oku ne ave holo ai a e Dr ko 'eni naa ne fili ke ne fetaki tokua ia he alea ma'a hono Pule'anga kae tukutoi holo pe. Mou vakai hifo ko Michael Field ena na'a e faitaa'i e motu'a ene takai holo he tu'a fale lolotonga e fakataha mahu'inga ne tonu ke 'iai kene 'ilo ha mea pea alea'i atu ai ha ngaahi tokoni ma'a Tonga
Oku malie hono laiki 'ehe PTOA e fonua 'aki e masiva 'ilo moe fakamahamahalo