Fokotu'u 'a Setita Tui'onetoa ke pule 'i he Letio Tonga Featured
Setita Tui'onetoa
24 'Okatopa, 2018. Kuo ma'u 'e he ongoongo ni ha fakamatala matu'aki falala'anga kuo 'osi fokotu'u 'a Setita Tui'onetoa 'a ia na'e 'iloa kimu'a ko Setita Millar 'e he Pule'anga ke hoko koe pule lahi (General Manager) 'o e Komisoni Fakamafolalea 'a Tonga.
'Oku 'ikai foki ke fo'ou 'a e ongoongo ko'eni he kuo 'osi 'ohake foki ia 'i he mitia faka-sosiale pehe ki he ngaahi kautaha ongoongo 'a e ngaahi talotalo 'a e tokolahi makatu'unga he toutou 'asi 'a Setita 'i Tonga ni mo e ngaahi polokalama 'a e Televisone Tonga pehe ki he'ene fekau'aki moe PTOA mo e Palemia.
Na'e toe tuku mai foki he ngaahi mitia fakasosiale 'a e pehe na'e folau 'a e Pule Le'ole'o Solomone Finau mo e Sea 'o e Poate Komisoni Fakamafolalea 'a Tonga Leonaitasi Hoponoa ki Nu'usila 'i he ngaahi mahina kuo tau situ'a kiai pea na'e 'i ai 'a e fakamatala na'a na a'u ai pe kia Setita fekau'aki mo e lakanga ni.
'Oku mahino foki 'i he ma'u ia 'a e ongoongo ni na'e te'eki ke tu'uaki 'a e lakanga ko'eni 'o hange koe founga ngaue anga maheni ke tohi atu kiai 'a e kakai taukei mo ako lelei 'i he mala'e ni pea 'i he'ene tu'u koia 'oku mahino leva ko hono fokotu'u pe 'eni 'o Setita mei he Poate mo e Pule'anga.
Ko Setita foki na'e lele pe 'ene TV 'oku ui koe TNEWS pea na'e mahino pe foki 'a e tu'u'anga ia 'o e ongoongo 'a Setita 'a 'ene poupou fefeka ma'u pe ki he Palemia Samuela 'Akilisi Pohiva.
'I he tu'unga leva ko ia 'oku 'ikai toe veiveiua ke pehe koe taha pe 'eni ia 'o e ngaahi faka-pale 'a e Palemia ki hono kau muimui mo hono kau poupou neongo hono toutou tukuaki'i ki he filifilimanako (nepotism) mo hono tukufakatafa'aki 'a e lao mo e founga ngaue ki hono fili 'oha tokotaha ngaue.
Ko e fakamatala 'oku ma'u 'e he ongoongo ni 'e kamata ngaue 'a Setita 'i he lakanga ni 'i he uike kaha'u.
3 comments
-
Some how we are helpless to do or have a say in the going on within Government , when we should . All we can do is wait and see the out come to this reshuffle because it does not seem to matter what the people wants or say , the Government in its wisdom will do what it want regardless . So the Tonga Broadcasting Commission now has a new boss . One of the reason given is that , the previous General Manager and her staff were biased in their report concerning Government policy thereby incurring the wrath of the Premier and his henchman .so " without further ado " she and her staff are swept aside to make room for the new Manager who is a staunch supporter of the Premier and his Government . Now that wouldn't be Nepotism or is it ? It's most frustrating , when all is said and done with the criticism of the Premier and his Governing body , that , it never seems to FAZE him one little bit ???. He just keeps going on his merry way without a care in the world . Well ! " we reap what we sow " . we voted him to Government than we must bear the consequences of his erratic leadership be it good or bad .
-
Ko e toe nepotism eni é taha masií íkai pe fkkaukau e PM ia óku hala haá ne ngaue íkai pe tuúaki e lakanga ko eni ko e A3Z ko e kau ngaue ne toki fokotuú foóu ko e hu lalo uaea kotoa. Meá ni óku teki mai e PM mo e PATOA ki he toenga ó e Fonua? Ko e meá eni óku ui ko e taétokaí, taéfakaápaápaí e Fonua he ko e ngaue fakaPuleánga óku í ai e totonu tatau ki ai a e Tonga kotoa neongo kuopau ke óange Ki he Lelei Taha. Ko e taha ia e úhinga ó e moto á e THS, ke maú e pale éhe Lelei Taha ka óku íkai ko e áve ki hoto famili pe kaungameá. Óku ou tui kapau naé kei lakoifie e Tama ko Tupou IV naé mei mafasia lahi hono finangalo he ngaahi unga ngaue ko eni óku fai fakalongolongo pe ó íkai óange faingamalie ki he Fonua fakakatoa ke nau tohi mai pea toki fili ó fakapaleí e Lelei Taha. Óku totonu ke óua te tau tangutu he ú meá ko eni óku ngahuhuu ka tau tuú ó laka ki muá, ási ki muá, ó tala é tau ongoí á kitautolu óku tau ílo ko e FAIHALA e ni. Tauange ke ngaue mai e kau politiki ó langa e fakaha loto ki he meá hala mo taéfakalao á eni óku tau konaía ai.
-
Ikai ke tau ilo pe koeha hano loloa ho'o ngaue, fktatau ki he ngahi feta'efiemalie'aki oku hoko he fonua. Hono, fkkatoa, good luck atu, he oku ke ilo lelei pe, na'e founga hala ho'o ma'u ae lakanga na.