Loloa ange hono tapuni ‘o e Fale Alea koe fa’ifa’iteliha ange ia ‘a e Pule’anga Featured
Sea 'o e Fale Alea Lord Fakafanua mo e Palemia 'Akilisi Pohiva
10 Sepitema, 2018. Ko e liliu faka-politikale ‘o e 2010 ‘a ia ‘oku tau fou mai ai he ‘aho ni ko hono foaki ‘o e mafai ki he kakai ‘i he Fale Alea.
‘Oku fili mai ‘e he kakai mo e hou’eiki ‘a e kau memipa ki he Fale Alea pea ‘oku fili leva mei ai ‘a e Palēmia mo e Pule’anga pea nau taliui leva ki he Fale Alea ‘a ia ko e kakai ia mo honau kau Fakafofonga.
Ko e fatongia leva ‘o e Fale Alea koe fa’u lao mo hono fakapapau’i ‘a e ‘alunga totonu ‘o e koloa ‘a e fonua mo e mafai pea fakapapau’i koe ngaahi ngāue ‘a e Pule’anga mo e fonua ‘oku fakahoko lelei ‘o fakatatau ki he lao.
Ko e me’a ‘oku hoko he ngaahi ta’u si’i mai ko’eni kuo tau situ’a kiai koe fu’u si’isi’i ange ‘a e Lao Fakaangaanga kuo fakahū mai ki he Fale Alea ‘o tipeiti’i mo fakapaasi.
Ko e lahi taha foki ‘a e lao ‘oku fakahū mai ki he Fale Alea koe hu’u mei he Pule’anga pea ‘oku tātātaha pe ha lao fakataautaha ‘e fakahū mai ki he Fale Alea mei he Hou'eiki memipa.
Ko e poini heni koe fu’u lahi hono tapuni ‘o e Fale Alea pea ‘oku ho’ata mai leva ‘a e fa’ifa’iteliha ‘a e Pule’anga he ‘oku ‘ikai ha fu’u fakafepaki kiate kinautolu tukukehe ange ‘a e ngaahi mitia mo e mitia faka-sosiale ‘oku nau tu’u ke fakahoko ‘a e fatongia fakaanga ‘a ia ‘oku totonu ke fakahoko ‘i he Fale Alea.
‘Oku fu’u ‘ilonga hono pule’i ‘e he Palēmia ‘a e Fale Alea ‘o nau toki loto pe ke ui ‘i ha’anau fiema’u ka ‘oku fie ongo atu ‘a e kakai mo e fonua pe koe ha ‘a e ngāue ‘a e Fale Alea ‘e fakahoko ki he ngaahi hoha’a fekau’aki mo e ngaahi valau mo e ta’e fiemalie ‘i founga hono fakalele ‘o e Pule’anga pea ‘oku lahi 'a e faihala mo e ngaahi fakamo’oni kiai.
Kuo tuku atu ‘a e ngaahi tohi tangi ki he Fale Alea ‘i he konga kimu’a ‘o e ta’u ni pea koe talu ai pea tapuni ‘a e Fale Alea ia ka koe ngaahi ‘isiū ‘eni ‘oku vivili pea mahu’inga ki he kakai mo e fonua.
‘Oku fehu’ia foki mo e vahenga kuo foaki ki he kau memipa ‘o e Fale Alea hili koia ‘oku lahi ange ‘a e taimi tapuni ia ‘a e Fale pea lahi nage moe taimi folau ia 'a e kau Minisita mo e Palemia.
Ko e fatongia totonu ‘eni ia ‘o e Sea ‘o e Fale Alea ke fakamahino ‘a e kehekehe mo e mavahevahe 'a e mafai (separation of powers) pea tu’u ‘a e Fale Alea ko e sino tau’atāina ke fakahoko hono fatongia ka ‘oku ‘ikai koe hange koe ‘alunga ‘o e ‘aho ni ke toki fie Fale Alea pe ‘a e Pule’anga pea toki ui.
Ko e ‘ata ‘eni ia ‘o e fonua pōpula mo fakaaoao ‘oku hoko ‘i he ‘aho ni pea ko’ene toki hoko ‘eni ‘a e me’a pehe ni talu ‘a e lele mai ‘a fonua ni.
'Oku totonu mo taau ke fakahoko 'e he Sea 'o e Fale Alea hono fatongia pea fai ha'ane tu'utu'uni pea tokoni kiai 'a e Hou'eiki Memipa ke fakahoko ha ngaue ki he kaveinga ni he 'oku mafatukituki hono mahu'inga.
6 comments
-
Ko e palopalema kuo 'osi mo e 'uto ia 'o Sea hono misi 'e 'Akilisi pea kuo puke pe 'e 'Akili ia 'a e mu'a ihu 'o e sea 'o taki holo pe. Kapau 'oku folau ia ko e ha 'oku 'ikai 'ai 'a e sea le'ole'o ia ke ne fai e ngaue he 'oku lahi 'a e me'a 'oku hoha'a ki ai 'a e kakai.
-
When people vote ! they are electing their local member of Parliament . A member belongs to a party and the party that holds a majority will pick a leader and he or she will be the prime minister or premier as the case maybe . That's why when party members are not happy with their leader , they replace that leader with a new one , not the voters , or Parliament . `In Tonga case only the King can dismiss His premier , or is it ?
-
Tetau nofo tautolu o sio ki he folau a e Palemia mo e kau Minisita ka oku toe kau pe mo e Sea ia e Fale Alea he toutou folau. Mei ohovale pe kuo nau foki mai kuo dissolve atu e Fale Alea pea taki taha toho hono hekesi ki 'api.
-
‘Oku tupu ‘a e palopalema ni mei hono fili ‘e he kau fakafofonga Falealea ‘a e Palemia. Ko e na’e tonu ke fili ‘e he kakai fakalukufua ‘o Tonga ko e’uhi ke taliui kakato ‘a e Palemia ki he kakai. Ko e founga Lolotonga ‘oku taliui ‘a e Palemia ia ki he kau fakafofonga na’a nau ‘ave ia ki he tu’unga pea hoko ai ‘a e fakapone mo e fakapale ‘o Minisita ai e tokolahi ‘oku ‘ikai te nau fe’unga ke Minisita. ‘Oku hoko leva heni ‘a e corruption he ‘oku fetauhi’aki mo femalu’i’aki e Palemia ia mo ‘ene kau pone ‘o tanumia ai ‘a e faihala mo e kakaa. ‘I he founga lolotonga ko e fa’ahi Ko ee te nau kaukaua ko e fa’ahi ia ‘e Palemia pea ko e fa’ahi pe ia te nau to e pule’i ‘a e Falealea. ‘Oku malava leva ke ha e ngaahi Pule taafataha mo fakatikitato ka ‘oku kei ufi pe ko e ‘iai ha mafai ma’olunga ‘i he Tu’i ke ne veuki ha ngaahi fakakaukau pehee.
-
Kole atu aa ki he Pule'anga mo e Sea ke fakasi'isi'i aa e folau kae fakaava 'a e Fale Alea na'a tuku e dissolve kae hu mai aa e Sotia ia ke fakalelei e fonua.
-
Oku tau manatu ki he taimi nae kei fakafofonga kakai ai a Akilisi, ko e kii fuoloa pe ta'e Fale Alea kuo ikai toe ha ha hono ta'aki mai, pea 'ave mo 'ene tohi, pea toe paaki mai he Kele'a.
Toe hoko atu ki he 'ikai pe mavahe hono mu'angutu ona hufanga he fakatapu mei he folau a e kau Minisita, pea koeni kuo heka kihe Sea o toki 'asi mai hono lanu totonu. Faka'ulia 'ene hange ha feke.
Ikai ketau kei telinga 'aki e tu'uaki e faitotonu, he ta koani, ko e fo'i puhi'ea 'ata'ataa pe ke toutou lava ki Fale Alea pea ko e 'atunga ena, kuo tunu fulifulihi ehe kakai, ka ne ke fakafofonga kakai pe aa koe 'e kei ngingila ho hisitolia, koeni kuo ke Palemia pea kuo motu aupito e ngaahi fo'i me'a ia ne tala 'e he kakai ko e lelei na'a ke fai pea he'ikai teke toe ngalo i he'enau mo'ui.