Kuo ngaue nai ‘a e kau Polisi ki he ‘ekisiteni ‘a e me’alele ‘a e Minisita Leipa? Featured
Tohi Kihe 'Etita
Kuo ngaue nai ‘a e kau Polisi ki he ‘ekisiteni ‘a e me’alele ‘a e Minisita Leipa?
Kolomotu’a
3 Septema, 2018
‘Etita,
Kataki mu’a kae hao atu ‘eku ki’i hoha’a ko’eni fekau’aki mo e ‘ekisiteni ‘a e mealele faka-Minisita ‘a e Minisita Leipa Tu’i Uata.
Kuo tuku mai ‘a e ngaahi ‘ata ‘o e me’alele 'i he mitia mo hono feinga’i ke ‘ave mei he feitu’u na’e hoko ai ‘a e fakatu’utamaki ni ‘i he po’uli ‘o e ‘aho Pulelulu 29 ‘o ‘Aokosi.
Ko e me’alele fo’ou foki ‘eni ‘i he kalasi Mazda pea ‘oku double cap ‘i he kalasi motolo fakamuimui taha lanu hinehina ‘ai ia ko hono mahu’inga ‘e ‘ikai toe si’isi’i hifo ‘i he $50,000-00.
‘Oku ma’u foki ‘e he ongoongo ni ‘a e fakamatala koe faka’uli pe ‘a e MInisita na’e faka’uli koe matapule mei Vaini pea na’e matu’aki lele lahi ‘i he Hala By-Pass lolotonga ia ‘oku konaa fe’ungatonu hifo mo e afe ki he ‘apiako Fokololo e Hau ‘o hoko ai ‘a e fakatu’utamaki ko’eni.
Ko e fakamatala mahino taha foki ‘e ma’u ia mei he Potungaue Polisi kapau ‘oku nau ngaue atu ki he keisi ko’eni pea ‘oku ‘i ai mo e totonu ia ‘a e kakai ‘o e fonua ke ‘ilo ki hono fakamoleki ‘enau pa’anga tukuhau he ta’etokanga mo e laulaunoa pehe ni.
‘Oku lahi pe foki hono tukuaki’i ‘i he mitia faka-sosiale ‘a e Minisita Tu'i Uata na’e kau ki he ‘ekisiteni ko’eni ka ‘oku mahu’inga foki ke fakamahino 'eni ia mei he Potungaue Polisi ‘a e mo’oni ke ‘oua ‘e fai ha hu’uhu’u pea aofangatuku ‘e he Fakamaau’anga.
‘Oku tokolahi e kau ngaue ‘i he Pule’anga ‘oku tuli pea fekau kenau totongi ‘i he’enau ta’etokanga ‘o maumau ai ‘a e ngaahi me’alele ‘a e Pule’anga pea ‘oku tau fakatauange ‘e ngaue’aki pe ‘a e lao, tu’utu’uni mo e founga ngaue tatau ki he ‘ekisiteni ko’eni.
Ko e me’alele foki ko’eni ‘oku motu ‘a e ongo va’e mu’a pea koe maumau lahi ‘oku hoko kiai.
‘Oku tau fakatauange pe ‘e fakahoko pe ‘a e founga ngaue totonu he 'oku fekau'aki tonu 'eni mo e kau taki 'oku nau malanga'i 'a e 'ofa he kakai moe faitotonu.
Faka’apa’apa Atu,
‘Ofa Fonua
Nuku’alofa
5 comments
-
'E tukunoa'i pe ia ka 'ikai 'e kole ia 'e 'Akili ke ne tautea he ko 'enau founga tau'i ia 'a e faihala. Ko e ha hake ena ki he ngaah fu'u vaka popo 'o Tu'i Uata kuo tu'utu'uni e fakamaau'anga ke 'ave mei 42 ka e tu'utu'uni pe 'a Tu'i ia ke kei tuku pe. Ko Tu'i Uta foki kuo ne fetongi 'a Lavulavu tangata he PTOA pea ko ia 'oku ne fakalele mo pule'i 'a e Pule'anga Tonga he ngaahi 'aho ni.
-
',oku mo'oni ho'o fifili 'Ofa Fonua 'oku tau fakatau ange pe 'e faka hoko tau'ataina 'e he potungaue polisi ho nau fatongia na'a to e kau noa atu mo e Minisita Polisi ka e to e loloa hhh
-
Ko e accident koeni i he me'alele faka-Minisita, oku talanoa'i lahi ehe kakai pea fie'ilo ki hono hu'unga he na'e akonekina kinautolu e Akilisi oku iai enau totonu ki he ngaahi asset a e Pule'anga he 'oku nau totongi tukuhau, pea kuo hanga 'e he fo'i akonekina koia 'o takitaki'i e fakakaukau 'a e kakai o hange nau oku nau meimei leanoa'ia pea toe hikito mo e fie'i'ilo. Pea 'i he uho 'o e fie'i'ilo mo e 'ikai 'omai ha tali pau te tau hanga hake leva 'o tufaki etau fanongo talanoa hange ko'eni. Ko e polisi na'a ne lipooti 'a e fakatamaki 'a ena 'oku ne feinga'i e fo'i va'e. Kuo kehekehe a e talanoa, talamai ko Tui Uata mo e PM nena i loto. Talamai ko e faka'uli pe na'e accident ai. Pea ko e ofisa koena oku ne feinga'i e fo'i va'e, koia tene ilo e me'a kotoa. Ka kou pehe, ko e ngaahi me'akotoa pe 'oku hoko he fonua ni he'ikai ke puli.
-
Ofa fonua koe ngaue fkpolisi oku nau lipooti kihe feituu kehe ikai koha mea keke ilo kiai pea mo au koe mea oku lahi ai ae longoaa ko etau toe feinga atu ketau toe fkmaau kuo osi iai pe ae fkmaau anga ae fonua kapau koe tama faiako koe nofo ho foi sioka tama alu au ki uta teu to talo pe au
-
The law is blind she cannot differentiate between rich or poor high ranking or low , all are the same to her , or so it should . The minister if he was involved , should have no problem in replacing the vehicle anyway . "MATE MA"A TONGA" ??