Fiema’u ke fakafisi leva ‘a e Palemia ‘Akilisi Pohiva Featured
1 Sepitema, 2018. Ko e fekau ia kuo tuku mai mei he ni’ihi ‘o e kainga Tonga ‘i Nu’usila ‘a ia na’a nau a’utonu hake ki he ‘api ‘o e Pule’anga Tonga ko ‘Atalanga ‘i ‘Aokalani Nu’usila.
Na’e a’u tonu hake foki ‘a e ni’ihi ko’eni mo ‘enau ngaahi pena ‘a ia kuo ‘osi tohi ai ‘o tatau pe ‘i he lea faka-Tonga mo e lea faka-Pilitania ‘a ‘enau faka’amu ke fakafisi ‘a e Palemia mei hono lakanga.
‘Oku tukuaki’i foki ‘e he ni’ihi ko’eni ‘a e Palemia ki he faihala mo e ta’efe’unga ‘a ‘ene fakalele ‘a e fonua pea mo ‘enau matu’aki kole pe ke fakafisi.
Na’e taki foki ‘a e fakahahaloto ko’eni ‘e Siosiua Toki mo Kelekolio Tapueluelu ‘a ia na’e fakahoko pe he founga ‘oku melino pea na’e ‘ikai ha palopalema ‘e hoko heni.
Kuo ‘osi fokotu’u foki ‘i Nu’usila ‘a e komiti ‘a ia ‘oku nau taumu’a ki he langa fonua pea koe konga ‘o ‘enau ngaue ko hono faka’ilo ki he kakai ‘o e fonua ‘a e ngaahi faihala ‘oku hoko ‘i he Pule’anga Tonga.
Na’e folau atu foki ‘a e Palemia ‘aneafi ki Naulu ke kau atu ki he fakataha hono 49 ‘a e kau taki ‘o e Pasifiki pea na’e fou atu foki ‘i Nu’usila.
Ko e ma’u foki ‘a e ongoongo ni na’e fakataumu’a ‘a e fakahahaloto ko’eni ki he ‘amanaki folau atu ‘a e Palemia.
2 comments
-
Kuo hoko hake ki he Sea o a'u ki he kai mongea hono lau'i e he Kakai. Ko 'ene me'a ena na'e fai, 'a e uki e laka mo faka'ai'ai e kakai ke tohi kovi o ta'aki e ngaahi Palemia kimu'a koena 'oku foki mai kiai. Foki aa ki 'api Akilisi o malolo, ko ho'o hekea hoko ko ho'o fononga ai pe ia.
-
Hear ! "Toll the death Knell" one cannot hoodwink a whole nation indefinitely , it's bound to end when people come to their senses . Thank goodness there are people within the community with strong ethic conviction who are willing to lead the wake up call for the nation as a whole to rid itself of the NINCOMPOOP who's done more harm than good to Tonga . There is nothing more to be done , the sword of DAMOCLES is hanging over his head GO ! for the love of whatever god you pray to GO ! You are more of an embarrassment than anything else .