'Ofa mai 'o ta'ofi polokalama talanga Sea Poate 'a e Letio Tonga Featured
Tohi ki he 'Etita
'Ofa mai 'o ta'ofi polokalama talanga Sea Poate 'a e Letio Tonga
17 'Akosi, 2018
‘Etita,
‘Oku ou loto keu fakahoko atu e tohi ni mo ‘eku matu’aki kole fakamamate ki he Sea ‘o ‘etau Poate Komisoni Fakamafolalea ‘a Tonga Leonaitasi Hoponoa ke fakamolemole ‘alaa kae fakatatafi atu ‘ene polokalama talanga fakafonua he ‘oku ne takihala’i e kakai ‘o e fonua.
‘Oku mole ke mama'o ha loto 'e tataka ka 'oku ou 'ilo 'oku ‘i ai ‘eku totonu faka-Konisitutone koe tangata totongi tukuhau mo e tangata'ifonua Tonga keu ‘oatu hoku le’o mo fakahoko atu ‘a e kole ni pea ‘oua mu’a na’a ‘itengia au he ‘oku ou fakafofonga’i atu ‘a e tokolahi ‘i he fonua ‘emau pango’ia ‘i he polokalama ‘a e motu’a ni.
‘Oku ‘ikai ha me’a fo’ou tene ‘omai hala 'ataa ka ko hono faka’uhinga hala’i pe ‘a e ngaahi kaveinga mahu’inga he fonua ‘a ia ‘oku lolotonga fakahoko pe ‘a e ngaue kiai ‘a e ngaahi kupu ‘o e sosaieti ‘oku nau ‘ilo lelei mo fakahoko lelei ‘a e ngaahi fatongia fekau'aki mo e ngaahi kaveinga ko’eni.
Ko 'ene me'a 'oku fai ko hono fakamoleki 'a e pa'anga totongi tukuhau 'a e kakai 'o e fonua.
‘Oku ‘i ai ‘a e ngaahi Potungaue ‘a e Pule’anga kau ia ‘a e Potungaue Polisi mo e Fakamaau’anga, ngaahi siasi mo 'enau ngaahi polokalma, ngaahi kulupu to’utupu, soasieti sivile, ngaahi kautaha ta’e fakapule’anga, ngaahi kautaha tokoni mei muli, ngaahi va fengaue'aki mo e ngaahi fonua 'oku nau tokoni mai pehe ki he ngaahi kupu ‘i he soasieti ‘oku nau ngaue ki he ngaahi kaveinga mahu’inga ‘oku valelau mai kiai ‘a e motu’a ni pea ‘oku nau nofo taha ki hono kumi ha faito’o ki he ngaahi palopalema ‘oku hoko ‘i he fonua.
‘Oku ongo ‘Etita 'a e fa'aahinga ‘ai’ainoa’ia ko’eni he ‘oku ‘i ai ‘a e fatongia totonu ia ‘o e Komisoni ke fakahoko ki he fonua koe pisinisi mo tufaki ‘a e fakamatala pea ‘oku mahu’inga ke takitaha tu’u hono fatongia.
‘Oku lolotonga to lalo ‘a e ongoongo mei hono fakahoko mai ‘e he’etau Letio mo e Televisone pea lolotonga ia ‘oku lele mai ‘a e polokalama ta’e’uhinga ko’eni.
Fakamolemole pe ki he Sea e Poate kake tali mu’a ‘a e kole ni he ‘oku ou tui ko’ene toki hoko ‘eni ha polokalama maumau taimi pehe ni 'i he Komisoni ‘a e fonua.
Faka’apa’apa Atu,
‘Eliesa Fifita
Tufuenga-Kolomotu’a
5 comments
-
Mou katakipe kae tuku ke sii feingai ai leva ke ma'u aa ene faeces hono mata'itohi toketaa VET e motua sea he a3z mo e tv tonga. fuu fuoloa e akoo ia teeki pe mau e Dr pea talu aipe ene verbal diarrhea mai he letio mo e tv. fuu totu'a 'ehe blah blah blah ne ng mea noa'ia hala 'ataa ke ki'i kakaakunga pe aa mo e ng fatongia totonu mo tefito e komisoni. he 'oku ne 'ilo ki he ng fatongia totonu e komisoni? Kala 'ilo!!!! 'Etita, mo'oni 'aupito 'a 'Eliesa ia, ne mei laka ange ke sea he poate TV moe Letio a 'Eli he sea lolotongaa he oku ilo e Eli ia ki he ng tefito fatongia e komisoni. 'Ofa mai sea o zip-up aa he kuo mau iku fanongo mautolu ki he ng letioo kehee koemau fehi'a he fulikivanu hoo ignorantkihe ngaue e poatee mo ho'omou sabotage e maa'imoaa. Faka'ofaatu ko tou mangoa neii.
-
Ko e natula foki ia 'etau kau toketa he taimi ni. Ko e ava pe hono ngutu 'o lea ko e 'osi hoho ki'i toketaa. Mo'oni e lau 'a e poto 'Oku 'ilo 'a e le'o 'o e vale 'i he lahi 'ene lea. Lea fiepoto mata'i fiepoto. 'Alu 'o ako pea ha'u 'o eluelu kia 'Akilis ke ma'u ha'ane ngaue ko e 'uhi he'ikai hiema'u ia 'i ha ngaue'anga. Te'eki foha ha'ane fu'u manioke kuo fu'u a'aa'a 'ene fiepoto. Ha'u mo 'ene ki'i thesis 'oku fu'u 'amatua 'aupito. pea 'oku 'ikai 'aonga ia ke fai 'i Tonga ni. Kuo 'ai ke ke ha'u 'o ako'i 'a hai. Kuo poto pe kakai ia. 'Oku 'ikai falala taha kiate koe he ko ho'o founga pule 'oku fai he A3Z mo e TV Tonga 'oku fepaki mamafa ia mo e Temokalati. 'E 'ikai tali koe mo ho' thesis 'i ha feitu'u 'i mamani ke ne fakangaue'i ko e ai. Ngata pe he PATOA mo e kakai ta'efakakaukau lelei te nau tali koe.
-
Poupou atu ki he fokotu'u koia 'Eliesa..
Kuo lahi e palopalema fakasosiale he fonua moe ngaahi issue mahu'inga ke fai hano talanga'i mo talanoa'i kae fakahu mai 'a e polokalama maumau taimi ko 'eni 'a e Toketa Fananga ko 'eni ke ne ma'u 'e ia e PRIME time oe kakai he TV.. Ko e motu'a sea ko'ena na'a nau tau'olunga holo pe 'I Tonga na mo pohiva he ngaahi kalapu he 90's pea puli o foki mai kuo ma'u hono Dr he tau'olunga moe tu'ulafale pea ha'u ia ke akonaki mai ki he fonua tokua ketau fesili ki he me'a e mauma'u luta ai e fonua. Ko e fonua ko 'ene lotu mo'oni pe hotau kainga o tuku e siokita moe loto kovi kuo lelei e me'a kotoa. Fokotu'u ha polokalama ke talanga'i e issue oe drugs he fonua hono ola kovi moe ngaahi me'a ke tokanga kiai e matu'a moe kau tauhi fanau.
Malo Eliesa e fakatokanga moe to'o fatongia mei hotau fonua -
Ko e fo;i fokotu'u mo'oni mo'oni 'eni Fu'u lahi e ta'e 'uhinga mo e tu'umaumau. 'Ai ai hala 'a e faka'uhinga moe toe poupou ki he faihala. Ta 'e he va'e hema e va'e mata'u.
-
Poupou peseti tahamano atu 'Etita kihe lau 'a 'Eliesa. 'Oku mau kei fifili ni pe na'e anga fefe hono fili atu e motu'a na ke Sea he Komisoni. Maumaau taimi, maumau pa'anga pea toe tu'umaumau.