Totu'a 'a e fieme'a mo e sio lalo 'a Piveni Piukala Featured
Tohi Ki he 'Etita
Totu'a 'a e fieme'a mo e Sio lalo 'a Piveni Piukala
Tangata’eiki,
‘Oku ou tokanga atu ki he kaveinga ki hono kapekape’i mo lea kovi’i ‘ehe tokotaha ko 'eni ko Piveni Piukala ‘a e fefine ngaue he va’a EMIS ‘a e Potungaue Ako.
Ne fehu’i ‘e he faiongoongo ‘a e FM 87.5 ki he’ene lea kovi mo e kapekape ki he kau ngaue pea ne ‘ikai ke ne faka’ikai’i ka ne toe hanga hake ia ‘o tukuhifo e fefine ko 'eni mo fehu’i koeha ha me’a ‘e fai ki he fa’ahinga ‘oku nau toutou fehu’i ha me’a tatau.
Piveni ‘oku ‘ikai ko ha ‘uhinga ia keke lea kovi ai mo ke kapekape ki ha taha pea koe founga ngaue ia 'i he ako moe ngaue'anga ke 'eke kapau 'oku 'ikai ke mahino.
Ikai koe ‘ita ‘a Piveni koe ‘ilo ‘e he fefine ko eni 'a e fehaalaaki mo e palopalema ‘ene polokalama ‘a ia ‘oku ‘osi ‘ilo lelei pe ki ai ‘a e Pule Va'a EMIS ko Hepeti Takeifanga.
Ko ‘eku fehu’i koe ha ‘oku ‘ikai ke lipooti ai 'eni ‘e Hepeti Takeifanga he na’a ne ‘ilo’i pe me’a na’e hoko.
‘Ikai na’a ke tafoki hake koe ‘o kau mo Piveni ‘o tukuaki’I ne mofisi e fefine? Fefe kapau na’a ko hao ‘ofefine pe tuofefine pe fa’ee 'ena ne kapekape’i ‘e Piveni?
Ngalo ange Hepeti ne ke ‘osi ‘oho ki he ‘ofisa ako fefine pea ‘i he tu’u ‘a e Lao ‘oku ui ia koe ta (assault).
Kole atu ki he poko ko 'eni ke ‘ai’ai lelei ho’o me’a he ‘oku veve kau poto he fonua ni oku nau pango'ia ho’o fiepoto.
‘Oku longo e kau matiketika mei he vaota koula mo ‘enau polokalama laka ange ia he ki’i me’a ‘oku ke futa’aki he ko Tailulu 'ena palopalema, ‘Apifo’ou, Vava'u High School mo Takuilau.
'Oku ou ma'u pe 'Etita mo e fakamatala 'oku fai 'a e fakatonutonu fakalao fekau'aki mo e me'a ni.
Ko me’a eni ‘oku ou ui koe ‘afungi mo e tokitoki. ‘Oku ‘ikai ‘aonga ia ke fakakau ‘a Piveni ‘i he fa’ahinga ‘o e tangata he ‘oku ne futa ‘o pehe ‘oku ‘ikai ha toe taha ia ko ia pe.
Tonu ke ‘ai ia ‘o ui koe me’a muli (alien). Ko e palanite ni ‘oku ‘ikai ha taha ia koia pe te ne lava tokotaha ha fa’ahinga me’a 'o tatau e me'a lelei mo e me'a kovi.
'Oku 'i ai 'a e lau 'iloa he fonua ni "'e 'i ai pe 'aho 'e taha" pea ko'ene hoko mai pea 'e hange ha software 'oku crash 'a e fakatomala.
Faka'apa'apa Atu,
Hala Taufa
Nuku'alofa
1 comment
-
TO'ONGA FAKA-MANU...MALO HALA TAUFA...MO'ONI 'A E NGAAHI KOVI'I (ABUSE) 'O E KAU NGAUE SEVANITI 'A E KAKAI...Ko e anga faka-manu eni, he kuo fa'iteliha 'a e kau pone 'a Palemia 'Akilisi Pohiva 'o a'u ki hono tamoloki 'a e kakai 'o e fonua, ho hono ta'e faka-'apa'apa'i honau ngeia faka-taautaha (integrity).
Pea kuo kau hake mo Hepeti Takeifanga ki he "employee verbal abuse" 'i he 'api ngaue, he kuo manavahe mo ia ki he Palemia ke malu'i 'ene ki'i vahenga ngaue. 'Ikai totonu kenau faka-po'uli 'i he fehu'ia 'e he kau ngaue ke mahino 'a e ngaahi tu'utu'uni. Pea 'o kapau 'oku 'ikai lava 'o tali totonu 'a e fehu'i, pea mokomoko ke mahino ngofua, 'oku 'ikai leva ke fe'unga 'a e tokotaha taki pe faiako ko ia ke totongi 'e he tukuhau 'a e kakai 'ene ngaue ko e ngaahi kovi'i 'a e kau ngaue. Mahino mai 'oku "ako mutukuu" hono 'atamai mo 'ene 'ilo ki he polokalama 'oku fakalele ke tokoni'i 'a e kakai.
'Oku faka-'aonga'i 'e Piveni Piukala mo e Palemia, mo 'enau kau kengi, 'a e founga faka-malohi'i mo faka-ilifia'i (mobster violence) 'o e kakai. Na'a nau 'ohofi (kau ai 'a Piveni) 'a Kolio Tapueluelu 'o faka-lavea'i ko 'ene lea fefeka ki he Palemia 'i he fakataha 'a e kau faiongoongo.
'Oku anga 'aki 'e Piveni pea mo Po'oi Pohiva 'ena faka-manavahee'i 'a e kau faiongoongo 'i he ngaahi konifelenisi 'a e mitia. 'Oku nau 'iai mo e kau kengi 'o lea noa'ia, pea mo fakamanamana ki he kau faiongoongo ke tuku "'enau fehu'i maumau-taimi, fehu'i noa'ia, etc." Ko e founga faka-manavahee ia 'a e kau kominiusi na'e fai 'i Lusia, Siaina, 'Iulope, Cambodia, Cuba, kau atu kiai mo Fisi 'i he ngaahi liukava mo e tamate kakai lau miliona.
Ko e kau kengi (henchmen) ena 'a e Palemia 'oku nau fa'ifa'iteliha 'i hono ngaahi kovi'i 'o e kakai 'o e fonua.