Faka’ikai’i ‘e he Palēmia na’e ‘ikai kene foaki ‘a Polata’ane ki Pilitānia: Ko e toe loi nai mo ‘eni? Featured
Palēmia 'Akilisi Pohiva mo e Talafekau Lahi faka'osi ‘a Pilitānia ki Tonga HE Mr Paul Nessling 'i Lonitoni
9 Mē, 2018. Kuo faka’ikai’i fefeka ‘e he Palēmia na’e ‘ikai kene foaki ‘a Poalata’ane ki Pilitānia lolotonga ‘ene folau atu ki he fakataha ‘a e kau taki ‘o e Kominiueli na’e fakahoko atu ki Lonitoni.
Na’e paaki atu ‘e he ongoongo ni ‘i he ‘aho 19 ‘o ‘Epeleli 2018 ‘a hono foaki ko‘eni ‘e he Palēmia ‘a Polata’ane ki he Minisitā Ki Muli ‘a Pilitānia lolotonga ‘a e fakataha ‘a e Kau Minisitā ki Muli ‘o e ngaahi fonua memipa ‘o e Kominiueli ‘a ia na’e lele fakataha mo e fakataha ‘a e kau taki ‘o e Kominiueli na’e lolotonga fakahoko ‘i Lonitoni.
Na’e tukumai foki ‘a e ongoongo ko’eni ‘i he Letiō Tonga ‘a ia ‘oku pule’i ‘ehe Pule’anga pea toe ‘omai foki ‘e he ngaahi kautaha ongoongo muli foki.
‘Ikai ngata ai na’e toe tuku mai ‘a e ongoongi tukuatu ‘a e kau folau na’e muimui ‘i he Palēmia ki he fakataha koeni pea na’e hā mahino pe ai hono foaki ko’eni ‘a Polata’ane.
Kaikehe kuo kole fakamolemole a e Palēmia ‘Akilisi Pohiva mo pehe na’a kuo hala ‘a hono faka’uhinga’i ‘ene lea na’e fai ka ko’ene mahino ki he tokotaha lau mo fanongo ongoongo kotoa na’e foaki ‘e he Palēmia ‘a Polata’ane ke ngāue’aki ‘e Pilitānia kapau tenau toe foki mai ‘o toe fokotu’u ha ‘ofisi ‘i Tonga ni.
Ko Polata’ane foki na’e lisi pea ngāue’aki ‘e he ‘Ofisi Haikomisiona Pilitānia pea koe lisi koia na’e ‘osi mo kakato pe ia ‘i he ta’u 2001 pea foki leva ia ki he Fale ‘o e Tu’i.
‘Oku mole ke mama’o hano taketi’i ‘o e Palēmia ka ‘oku fu’u fiema’u ke fakamaa'ala'ala 'a e kaveinga pea tala ki he kakai ‘a e mo’oni pea ke ‘oua ‘e veiveiua ‘enau ma’u ki he ngaahi me’a ‘oku totonu kenau ‘ilo kiai fekau’aki m oe kau taki pehe ki he fonua.
2 comments
-
Oku ou tui ne offer mai pe e Pilitania enau service ki he PuleangaTonga he fiengaue moe Puleanga Tonga o ikai koe sino o Akilisi pea koe si'i mafana e ae tangata'eiki Palemia o tali e offer a Pilitania ma'ae Tonga....o ne pehe ko e api koee ne mou iai i Tonga oku kei iai pe ke mou ngaue aki.Pea oku ikai teu lave'i koeha e palopalema oku ikai ko ene foaki ae Palasi pe ko Villa. Koe me'a mahuinga i heni ia ko hono tali fiefia ehe PM ae offer mai a Pilitania ke toe foki mai o ngaue mo Tonga tuku e nofoanga ia mo hono fkikiiki ke toki talanoa'i ia ehe Palemia moe kau ma'u mafai.Ka foki mai a Pilitania ko hono ngaahi lelei fkekonomika oku lahi faufaua ia he'e ma'u ngaue ai ae tokolahi,etc.
-
Tapu pe moe PM o Tonga ka oku hange koe kananga 'o e ngaahi 'aho ni.."kuo 'afio mo'oni e loi he motu'a ni"...
Oku fu'u hulu fau hono fai 'ehe motu'a ni e loi moe fie valeloi pea 'e iku pe kiai e Pule'anga ko'eni oku ne fakalele mo hono kau poupou.. Faka'amu ke mahino ki he Tonga kotoa koe motu'a ni oku 'ikai kene mo'ui'aki 'a e me'a oku ne fakamatala. Oku kehe 'ene lea mei he ala hono nima. Oku hulu fau e longoa'a he fonua pea mei he'ene ngaahi fokotu'utu'u. Oku 'ikai ha'ane visone langa fonua ma'a Tonga. Pea koe tau'i e faihala oku ne tala oku 'ikai kene fai kiai.
Kuo 'ilo 'ehe vale mo e poto 'I Tonga a e api ko Polata'ane mo hono founga. Ngata he PM oku 'ikai kene 'ilo 'e ia pea oku to'o ma'ama'a pe 'e ia e loi na'a ne fai moe fakangalivale'i o e fonua pea mo e Tu'i.. Malie e