Totonu ke fakafisi leva Minisitā Ako Featured
Palēmia ‘Akilisi Pohiva mo 'ene Minisitā Ako Penisimani Fifita
24 Ma'asi, 2018. Kuo fakamahino ‘e he Palēmia ‘Akilisi Pohiva ‘i ha’ane ongoongo tuku atu ki he ngaahi kautaha ongoongo ‘aneafi 23 Ma’asi 2018 ‘oku ‘ikai koha tu’utu’uni ngāue ‘a e Pule’anga ke ta’ofi ‘a e kau atu ‘a e fanau fefine ki he ‘akapulu mo e fuhu.
Na’a ne toe me’a foki ‘oku tau’atāina ‘a e fanau ki he’enau fili mo ‘enau matu’a ka koe fatongia ‘o e Pule’anga kene ‘oange ‘a e faingamalie ki he hakotupu ‘o e fonua.
Ko e feinga ‘eni ‘a e Palēmia kene ‘ufu’ufi’i ‘a e fo’i tu’utu’uni ta’efakaako mo ngalivale ‘a e Minisitā Ako Penisimani Fifita ‘a ia na’e fakahoko ‘i he uike kuo ‘osi ke ta’ofi ‘a e kau atu ‘a e fanauako fefine ki he fe’auhi ‘akapulu mo e fuhu.
Na’e ‘iloa ‘a e tu’utu’uni ngalivale ko’eni ‘i hono ‘ave ‘e he ngaahi kautaha ongoongo fakavaha’a-Puleanga pealahi hono fakaanga’i pea iku ‘o kape ‘a e tokolahi ki Tonga ni pea tukuaki’i ‘a e tu’unga faka-popula mo ta’efakasivilaise ‘oku a’u ki ai ‘a fonuai.
Na’e fakatatau foki ‘a Tonga ni ki he ngaahi fonua ‘Alepea ‘a ia ‘oku kei fakapo’uli ‘enau fakangatangata ‘a e totonu ‘a e Hoiu’eiki fafine.
Ko e tu'utu’uni ko’eni ‘oku ne hulu’i mai ‘a e ‘ikai feongoongoi ‘a e kau taki ‘o e Pule’anga pehe ki he tu’unga ‘ilo mo e taukei ‘oku ‘i ai hotau kau taki pea koe fehalaaki ‘en ‘oku mafatukituki pea ‘oku ‘ikai tootnu ke to’o ma’ama’a.
Kuo ngalivale ‘a e fonua pea toki fai hono fakatonutonu pea ‘oku totonu mo taau ke fakafisi leva ‘a e Minisitā Ako ‘oku ‘oku fu’u ta’efe’unga.
3 comments
-
Koe ki'i founga motu'a pe eni ia 'a 'aki. 'Ai e fo'i me'a kae toki kalo ia 'o tukuaki'i ha taha. 'Ai pea pehe 'e fai 'e ha minisita ha'ane tu'utu'uni tau'ataina, kuo pau ke 'uluaki tala kia 'aki pe 'e loto ki ai pe 'ikai, manatu 'oku tapu ke nau toe fakakaukau, ko 'aki tokotaha pe 'oku ngofua ke fakakaukau. Koe 'osi pe ena 'ene fekau a minisita ako ke ta'ofi e 'akapulu pea tafoki hake leva 'o tukuaki'i si'i motu'a hala 'uto ko ee ke 'ita ki ai e kakai kae hao pe ia. Mahalo kuo loto ia ke to'o a penisimani mei he kapineti pea palani leva e fo'i fehalaaki ke tukuaki'i ki ai kae toki 'akahi. Kuo kamata ke tau ma'uloto e founga fakakiniti 'ae motu'a fetongitongi hotele ko eni. He kapau na koha tu'utu'uni tau'ataina 'a peni, na'e tonu ke lea pe a 'aki kia peni pea tuku pe ka peni kene fakatonutonu 'ene fehalaaki. Kae 'oho mu'a mai ia 'o toe hiki ha'aki pe 'ene ki'i minisita ke ta'e'aonga. Ka koe ngaahi fo'i decoy pe foki na'e palani e teni hoponoa mo veni fuhu mala'e tapulu.
Fai mai ho'omou helepulu ki he hele kalava. -
'Oku 'alu atu pe eni e fai tu'utu'u ni ia e kau taki 'a Tonga ke toe katuni ange ia he kau fakakata 'iloa 'o mamani. Mahu'inga pe poto mo e 'ilo ka 'oku toe mahulu ange e me'a koe "faka-kaukau lelei" (common sense). 'Oku 'ikai koe senitulu 17 pe 18 eni. Ngalo ange he tangata'eiki ni e "To'ukai mo hono Lohu". Pea 'oku toe 'ata mai heni 'a e 'ikai ke feongoongoi e ngahi kupu mahu'inga mo lalahi koia e pule'anga. Ha hono mele ho'o to'o hake pe e telefoni o taa'i atu ki he tangata 'eiki Palemia 'o fakahoko atu kiai ho'o fekau? Ko e ola eni: Totonu ke fakafisi leva Minisitā Ako. Kaekehe, koe me'a eni ketau ako mei ai he kaha'u he me'a ko e faitu'utu'u ni.
'I he sio koia mei he tafa'aki e taha, 'e malava pe ketau pehe ko e taha pe eni ia he ngaahi founga 'a e PM ki he liliu moe mafai. Ngalingali ne 'osi palani'i pe fo'i me'a ni ia. -
MAHINO MAI 'A E MA'ULALO 'A E KATO 'OA FAKA-'ATAMAI 'A E MINISITA AKO KO PENISIMANI FIFITA. Ko e fakataaataa totonu eni 'o e founga fakakaukau kuo 'osi hono kuonga 'i Tonga.
'Oku tu'unga tatau 'a e fefine Tonga mo e kakai fefine 'o maamani. Na'e 'ohake 'e Kuini Salote Tupou III 'a e tu'unga 'o fafine Tonga ki he Senituli 20, mo e 21.
Ka kuo fakafoki 'e Minisita Fifita 'a fafine Tonga ki he Senituli 10. Taimi ke fakahu atu 'a 'ene Tohi Fakafisi. Fakamalo atu ki ho'e fai fatongia. Kuo ke kei fihia koe 'i ono'aho, pea kuo tomui ha toe ako'i koe ki he Senituli 21.