Fale'i ki he Hou'eiki Fafine ke Faka'ehi'ehi mei ha'anau Feitama Featured
Dr. Reynold 'Ofanoa lolotonga 'ene fale'i ha taha 'o e Hou'eiki Fafine
Nuku’alofa, 15 Fepueli 2016. Kuo tuku mai ha fakatokanga mo ha tapou mamafa mei he Potungāue Mo’ui ‘a Tonga ki he Hou’eiki Fafine ‘o e fonua kenau faka’ehi’ehi mei ha’anau feitmama lolotnga koia ‘a e mafola ‘a e fokoutua fakatu’utamaki ko’eni koe Zika ‘i he fonua.
Fakatatau mei he fakamatala mei he Potungāue Mo’ui ‘oku fakafuofua ki he toko 549 ‘a si’i kakai ‘oku mahamahalo’i ‘oku ma’u kinautolu ‘e he mahaki ni ka ‘oku fakahoko ‘a e ngāue ke fakapapau’i mo ta’ota’ofi foki.
Fakatatau kiha fakamatala ‘a Dr. Reynold ‘Ofanoa mei he Potungāue Mo’ui ‘oku nau fale’i ‘a e Hou’eiki Fafine kenau faka’ehi’ehi mei ha’anau feitama kae ‘oua leva kuo mahino kuo lava ‘o ta’ofi ‘a e mafola ‘a e fokoutua fakatu’utamaki ni. Na’a ne toe pehe foki ‘oku ‘ikai kenau fakapapau’i ha taimi pau ka ‘oku malu ange pe ke faka’ehi’ehi.
‘Oku fakahoko foki ‘a e fale’i tatau ki he ngaahi fonua kaunga’api hili ange hano fakapapau’i ‘oku ‘i ai ‘a e ngaahi keisi ‘oku mahamahalo’i ‘i Ha’amoa ‘Amelika. Koe vailasi Zika foki ko’ene tupu mei Brazil, Saute ‘Amelika pea na’e toki fakahoko hano fakatokanga’i fakamamani lahi ‘ene fakatu’utamaki he ta’u ni.
6 comments
-
'Oku hoko 'ae to mai Zika virus ke toe langa'i mai 'ae Polokalama " Fkkaukau 'i 'oe Famili" na'e malanglanga hono 'Uki he ng ta'u lahi kuo hili....'Oku totonu ke toe fkakeake 'ae Polokalama ko'eni he tokoni lahi aupito kihe Langa Fklakalaka 'ae Fonua pea tali teke'i 'ae Nunu'a 'oe Zika virus.............
-
Pea kapau leva kuo folalahi 'a e u pepee ia he taimi puke koeni o e zika, tonu ke vakai'i e me'akai oku mama 'e he fanga Fa'ee he lolotonga e feitama na 'oku hulu mo lahi ai e 'isite ee
-
T. VAINĪ 'OKU 'I AI HO'O KI'I MO'ONI...'Oku te'eki fk-papau'i 'e he kau saianisi 'a e fehokotaki totonu (cause-and-effect) 'a e Zika mo e mahaki ki he fānau te'eki fanau'i.
1. 'Oku te'eki maau 'a e fakatotolo fk-saianisi, ko e tala ia 'e he WHO 'i he 01 Feb. 2016 'i Geneva, Switzerland.
2. Ka ko e Zika kuo to lahi ia 'i Brazil, pea 'oku nau fk-tokanga'i 'oku tokolahi ai mo e ngaahi fa'ele kuo puke 'enau ngaahi pēpë 'i he 'ulu fōiiki, pea 'oku kau ai 'a e 'atamai vaivai.
3. 'I he fakatotolo fk-saianisi, ko e fk-'llonga mālohi ia (correlational) 'o kapau 'e 'alu fk-taha 'a e tokolahi 'o e puke 'i he Zika mo e tokolahi 'o e ngaahi fā'ele "deform" mo e "brain damage."
4. 'Oku te'eki ai ha mate mei he Zika 'i māmani. Na'e 'uluaki tõ 'a e Zika 'i he Pasifiki 'i Yap, Micronesia. Pea tõ 'i Tahiti kimu'a pea toki 'asi 'i Fisi, Ha'amoa, mo Tonga. -
Ku toe iai e fakatotolo ia e taha oku ikai koe zika oa oku ne fktupuga e deform a e pepee pea kou gali tui kiai. Ikai toe kehe foi talanoa koeni mei he tala ko Tonga ni oku kapiteni he fonua sisino osi koiaa teeku fkheka trailer ha taha sino ki falemahaki. Toe tala eni tau kapiteni he zika oki fktuta ia koe talu etau mofi salato mei heetau kei sii.
-
Malo hono........"Ta e Lango kei Mama'o"........ telia 'ae Nunu'aa he mahaki ni.....neongo na'e fai 'ae 'Uki ketau kafataha. pea malo hono toki tuku mai 'ae me'a 'e hoko!!!!
-
Ko e toe taitaimi ee 'a e fo'i kete he fa'ahinga me'a ni