Tu'unga 'o e huhu malu'i Covid-19 Featured
3 Siulai 2021. Kuo a’u ‘eni ki he toko 2319 kuo ‘osi fakahoko ‘a hono huhu malu’i hoani(second dose) ki nautolu. Fakatatau ki he fakamatala kuo tuku mai ‘e he Potungaue Mo’ui, ‘oku ‘i he ‘avalisi ko e toko 464 ‘a e kakai ‘oku huhu ‘i he ‘aho.
‘Oku ‘oatu aipe ‘a e fakamanatu ki he kakai ‘o e Fonua na’a nau ‘osi kau mai ki he fuofua polokalama huhu malu’i. ‘E malava pe ke fakahoko ‘a ho’o huhu hono ua ‘i ha uike ‘e 1 kimu’a ‘i he ‘aho na’e ‘oatu ke fakahoko ai ‘a hono huhu hoani.
Kapau leva kuo ‘osi fakalaka ia mei he ‘aho na’e totonu ke ke huhu ai ka ‘oku tekiai ke ke huhu ‘e kei malava pe ke ke ‘a’ahi ki he fai’anga huhu ofi taha ke fakahoko ‘a ho’o huhu hono ua.
Ko e tapou ‘a e Potungaue Mo’ui ma’ae kakai e fonua ke nau feinga ange pe ke ma’u e huhu malu’i hoani ‘i loto he uike ‘e 8-12 mei he taimi na’e fuofua huhu malu’i ai kinautolu.
Ki ha’o fehu’i fekau’aki mo e polokalama huhu malu’i kataki ‘o fetu’utaki pe ki he fika ko e 0800-019.
