Huhu malu'i Oxford-AstraZeneca Tama Tu'i mo e Ta'ahine Kuini Featured
16 Me, 2021. Na'e malava ke fakahoko hono huhu malu'i 'o e 'Ena 'Afifio Tama Tu'i Tupou VI mo e Ta'ahine Kuini Nanasipau’u 'i he 'aho Tokonaki ko hono 15 May 2021, 'i he Falemahaki Vaiola.
Na'e fakahoko 'a e ngaue ko'eni 'o tataki 'e he Minisita Mo'ui Dr. 'Amelia Afuha'amango Tu'ipulotu, Toketa Faka-Tu'i Sione Latu, Dr. Reynold 'Ofanoa, Sister Afu Tei mo e ni'ihi na'a nau tokoni ke fakakato 'a e fatongai ko'eni.
Fakatatau ki he fakamatala 'a e Minisita Mo'ui koe makamaile fo'ou 'eni kuo a'usia 'e he fonua.
Ko e takimu'a 'a e Hau 'o e fonua mo e Ta'ahine Kuini 'i he polokalama huhu malu'i 'a e fonua koe faka'ilonga ia 'o e uouongataha 'a e Tama Tu'i mo hono kakai
'Oku hokohoko atu pe 'a e polokalama huhu malu'i 'o e fonua 'i Tongatapu ni pea kuo a'u 'eni ki he kakai 'e toko 20,103 'a ia koe kakai Tonga 'e toko 19,259 mo e toko 844 koe kau muli.
'Oku toe fakamahino mei he lipooti 'a e Potungaue Mo'ui 'oku faka-'avalisi ki he toko 914 'oku huhu malu'i 'i he 'aho kotoa.
