‘Aho ‘o e Ngāue Fakapule’angá - 'Fakamu’omu’a ‘a e kakaí’. ^Featured

Na’e fakahā ‘e he ‘Eiki Minisitā, “Ko e ‘aho ni ‘oku ‘ikai ke tau lau tu’unga, he ‘oku tau kau fakataha mai ke fakamanatua ‘a e mahu’inga hotau fatongiá ko e sēvāniti faitōnunga ‘a e kakai. ‘Oku ‘ikai ha fakangatangata ki he ngāue fakatamaio’eikí , ko e toe pē kitaua ke fai ‘osikiavelenga hota fatongiá.”

“Ko e pole ia kia koe pea mo au ‘i he ‘aho ni ketau manatu’i hotau fatongiá ko e ngāue fakatamaio’eiki pea ketau manatu’i hotau fatongiá ko e ngāue fakatamaio’eiki pea keta manatu’i Ko ho’o Tonga mo hoku Tonga ko hota Tonga ia. Ko e Tonga ‘a koe pea ko e Tonga ‘a’aku.”

Na’a ne fakahā foki ‘oku fakamahino mei he tokolahi ‘a e kau mai ki he polokalamá ‘a e ivi lava me’a ‘i he taimi ngāue fakatahá he ‘oku ‘ikai ke ‘i ai ha ngāue ‘e faingata’a ka ko e fiema’u pē ke lototō pea mo tali tu’utu’uni.

“Ko e laumālie eni ‘oku fiema’u ketau ma’ú kae lava lelei hotau fatongia ki he kakai ‘o e fonuá. Ko ia ai ‘oku ou faka’amu mo e fakalotolahi’i ‘a e kakai ‘o e fonuá ke mou lava mai ‘o faka’aonga’i ‘a e faingamālie ko ‘ení ke mou toe ‘ilo lahi ange ki he ngāue fakapule’angá mo e ngaahi pisinisi ‘a e pule’angá pea ke toe langa’i hake ha vā fakangāue ‘oku toe vaofi mo lelei angé.

Na’e fakamālō’ia foki ‘e he ‘Eiki Minisitá ‘a e kau ngāue ‘i he ngaahi potungāue mo e pisinisi ‘a e pule’angá ‘i he ngāue kotoa pē ki hono teuteu ‘o e ‘ahό.

Ko e polokalama ni na’e kau atu ki ai ‘a e ngaahi potungāue ‘e 23 mo e ngaahi pisinisi ‘e 10 ‘a ia na’a nau faka’ali’ali ‘a ‘enau ngaahi ngāué, fakamatala’i honau tefito’i fatongiá pea mo tufa ‘a e ngaahi tohi fakamatala ki he kakai ‘o e fonua ne nau ‘i he Holo Fakamanatu ‘o Kuini Salote.

- MEIDECC