Kātoa 'a Tonga 'o Taha: Teu Kapapuna 'Ikale Tahi 'i Polata'ane Featured
Nuku'alofa, 14 Sepitema 2015. ‘Oku te’eki mangalo atu ‘a e Ipu ‘a Mamani ‘o e ta’u 2011 mo e fā’ūtaha ‘a e fonua ‘o poupou ki he ‘Ikale Tahi pea ‘oku fai e manatu melie ki ai mo e ‘amanaki ‘e toe malava ‘a e fonua ke fakahoko ha poupou tatau he ‘e tokoni lahi ‘eni ki he’etau fānau va’inga.
‘Oku mahino foki na'e fu’u poupoua ‘a e Ipu ‘a Mamani 'o e ta'u 2011 ko hono fakahoko mai ki Nu’usila 'oku tokolahi ai hotau kainga pea ofi foki ki Tonga ni ka ‘oku ‘ikai ‘uhinga ‘eni ke tuku ai ‘etau poupou ki he'etau 'Ikale Tahi.
Kaikehe ‘oku mahu’inga foki ‘i he fo’i taimi ofi atu ko’eni 'a e tu'u fakataha he ‘oku toe pe lau 'aho pea fakahoko 'a 'etau 'uluaki va'inga he 'aho 19 Sepitema 'a ia ko e Tokonaki uike kaha'u ia pea 'oku 'ikai ke tau kei tatali ke fai mo a'u ki he 'aho koia kae kapapuna 'a e 'Ikale Tahi 'i Polata'ane. 'Oku 'ikai toe veiveiua 'a e 'amanaki lelei 'a e tokolahi ki he 'Ikale Tahi pea na'e ola lelei mo e ngaahi feinga va'inga kimu'a 'i he teuteu atu ko'eni ki he taimi kuo kotofa 'o hangē koia ne talaki mei mu'a.
‘Oku ‘ikai puli ‘a e malava ‘e he faiva ni ke fakatahataha’i ‘a e kakai ‘o e fonua mei he tapa kotoa ‘o e mo’ui ‘o hangē koia na’a tau sio mata ai ‘i he ta’u 2011. ‘Oku ‘ikai koha taimi ‘eni ke toe fai ai ha fetuhuaki ka ketau tu’u ‘o poupou ki he teuteu ‘oku fakahoko mo e ‘amanaki ‘e toe fakahoko ‘e he ‘Ikale Tahi ha me’a fakafiefia ‘o hangē koia na’a tau a’usia ‘i he ta’u 2007 mo e 2011.
‘Oku ‘i ai hotau faingamalie ke tau fakahoko ha toe fakatuputupulangi 'o hangē koia na'e hoko he'etau fakapa'ulu 'a e fu'u moata'ane 'a Falanisē 'i he 2011. 'Oku 'ikai 'uhinga 'eni ia ketau ta'etoka'i 'a e ongo timi 'oku tau 'i mu'a 'iate kinaua he fakahokohoko 'a e Poate 'Akapulu 'a Mamani 'o hangē ko Georgia mo Namibia ka 'oku fiema'u ke fakapapau'i 'e he'etau 'Ikale 'a e ua ni kimu'a pea tau sio atu ki hano tukuhifo 'o 'Asenitina pehe ki he Hau 'o mamani he faiva ni 'a e 'Olopeleki.
Hangē koe fakahua 'a e kau mama kava Tonga ko e anga pe 'eni ia 'o e "usuusu" ka 'oku 'ikai mama'o mei ai 'a e faka'amu. 'Oku fiema'u he taimi tatau ketau lotu hufia 'etau fanau va'inga mo e feinga 'oku fakahoko he koe taimi 'eni kuo katoa 'a Tonga 'o taha.
Talamonū atu ki he ki he Timi ‘Ikale Tahi pehē ki he kau 'ofisiale mo e kātoa 'o e kau folau. Fakatauange ke ola lelei 'a e feinga 'i he laumalie 'o e fiefia pea ke 'ave ai pe 'a e fonua ki he tumutumu.
6 comments
-
'E pehe ku tau mamahinoa'ia, ka kuo oatu etau totongi tukuhau kenau vahe mei ai he fakahoko koena enau va'inga 'oku tau pehee ko honau leleitahaa. 'Ikai keu mahino'i pe koeha 'oku 'ikai ke fili ai pe ha'a tau tamaiki mei Tonga ni? 'E aoao tangata mai mei muli ke toe lahi e mole osi koiaa 'e ma'u pe 'i Tonga ni 'a e tamaiki ia pea teu'i. Kaikehe, kuo osi e va'inga ia, pea 'ofa aa ketau ako ha me'a mei hena.
-
Mahalo koe me'a ia 'oku kei tuai ai e fakalakalaka he 'akapulu hotau ki'i fonua ni koe vakai pe 'oku fo'i mo 'ikai fakafiemalie e ola moe va'inga kae kei fai pe hono vikiviki'i atu e coach moe kau va'inga. It's time to say it like it is, ke fei mo tala hangatonu atu 'oku 'ikai ke tau sai'ia he ola ko ia, taufefito ki he fu'u world cup ko eni na'e 'osi 'iai e fo'i malohi pau 'e 2 na'e tonu ke ma'u ka koe lahi foki e sio lalo ki Georgia moe tokanga koaa ki Argentina, 'aee na'e fu'u ta'epau mo ta'emahino pe 'e malohi. Koe 'atunga e kuo 'alu molemole a Georgia kihe world cup hoko kae toe foki e 'Ikale ia 'o feinga kualifai kamata mei he fanga ki'i fuleheu moe sikota. They should have taken each match as a final gold medal match. Koe filifili timi ia ke fai pe 'ehe All Blacks moe kau tama lalahi 'oku fele 'enau kau va'inga kalasi 'uluaki. Pea 'ihe fu'u ta'efakafiemalie pehee 'ae va'inga 'oku tonu leva ke hange koe lau koena ki he timi 'a England - fai ha fu'u sio lahi moha fu'u 'ovaholo kihe 'Ikale Tahi, fakataha e kau va'inga moe kau coach. Taimi ke tuku atu a e kau matu'otu'a meimei penisoni kae 'ave hake e kau va'inga kei iiki mo kei ivi lahi. Ko ena kuo fiefia a Siapani he va'inga 'ae kau leka Tonga he'enau timi fakafonua. Na'e a'u nai e fekumi 'ae coach ki he kau tama ko ia pe na'e siolalo ia ko 'enau va'inga 'i Siapani??? koe fakamaau aofangatuku ena kihe timi 'a England:
Former England coach Clive Woodward said there should be an inquest with "consequences" for those in charge, as well as those who appointed them, but said it should happen only after the tournament was over.
"Yes it was a tough pool but England should have been well capable of beating both Wales and Australia," wrote the World Cup winner.
"No expense has been spared in England's preparation and they were at home in both matches. Everything was in England’s favour and they should have cashed in."
Influential Welsh writer Stephen Jones called for England coach Stuart Lancaster to be axed and for Woodward to oversee the appointment of a coach with "experience, charisma and stature".
"It is the low point in their history," he wrote in the Sunday Times. "Change must be rapid and profound."
The Sunday Telegraph agreed with the headline "Stuart Lancaster's men were not ready, not clever and not good enough."
Japan's coach Eddie Jones, Warren Gatland of Wales, former South Africa coach Nick Mallett and Englishman Jim Mallinder were named possible candidates by that paper, one of several who rushed a "blueprint for the future" to the presses.
Replacing Lancaster and captain Robshaw were common solutions, while other popular themes were a change to the rules to allow overseas-based Englishmen to represent their country.
Koe ha kuo nau toki 'oho hake ai ke change e rules ke 'omai 'enau kau overseas based players he to lalo 'enau timi, kae talu eni 'enau fakasiosio kehe mei he kole 'a Tonga, Fisi mo Samoa ke tuku hono poloka 'e NZ, Aust, England etc. 'e nau kau va'inga lelei kae faka'ataa mai ke kau he'anau ngaahi timi fakafonua. 'Ikai pe mama'o mei he laulanu moe siolalo. -
Malo fanau e va'inga pea 'oku tau fiefia kotoa pe he ola neongo na'e fai e 'ulungia. Mana hena World Cup hoko. Talamonu atu ai pe ki he feinga va'inga hoko.
-
'Asili ai ko'etau 'ikale ko 'etau falala atu pe kiai kuo ne fai 'e ia e me'a kehe. 'Oku 'ikai tuku e poupou ia ki he 'Ikale Tahi pea 'e tatau ai pe pe koe ha hobo iku'anga.
-
Mo'oni lahi Josh kae mahalo pe 'oku kei pulonga pe fonua. Kaikehe 'oku tau kei falala pe kihe'etau fu'u 'Ikale. Go 'Ikale Go.....
-
Fo'i pe tau pea 'ikai ha toe ongoongo fekau'aki moe lkale Tahi e ... kei poupou peseta e 110% pe neongo e ulungia.. ofa atu fanau pea malo e va'inga.. kei 'iai pe hotau faingamalie....