Tetau kei fua pē fakamole Sipoti 2019 tatau pe ‘e fakahoko ki Tonga ni pe ‘ikai Featured
Palēmia 'o Tonga 'i he'ene fakataha mo e Palesiteni Kosilio Sipoti 'a e Pasifiki Vidya Lakhan mo e kau 'ofisiale mei he Kosilio Sipoti 'a e Pasifiki 'i Nuku'alofa
18 Sune, 2017. Kuo mahino ‘a e tu’utu’uni ia ‘a e Pule’anga ‘e ‘ikai fakahoko mai ‘a e Sipoti ki Tonga ni pea kuo ‘osi fakamahino ki he Palesiteni Kosilio Sipoti ‘a e Pasifiki hili ha’anau ‘a’ahi mai ki Tonga ni ‘i he ngaahi uike si’i kuo maliu atu.
Ko e me’a leva ‘oku fai kiai ‘a e tokanga ko e Konituleki Aleapau (Agreement) na’e fakamo’oni kiai ‘a e Pule’anga Tonga ‘i he ‘aho 19 ‘o ‘Okatopa 2012 ‘a ia ko e Aleapau ko’eni kuo ‘osi ha’iha’i fakalao (Binding) pea ‘e ‘ikai malava ke hola mei ai ha fa’ahi.
Ko e Aleapau felotoi ko’eni ‘a ia ‘oku ‘iloa koe “Host Contract” pe koe Aleapau ki hono fakahoko mai ‘o e Sipoti 2019 ki Tonga ni na’e fakamo’oni kiai ‘a e fa’ahi ‘e 3 ‘i he ‘aho 19 ‘Okatopa 2012 ‘a ia koe :-
1. Kosilio Sipoti ‘a e Pasifiki (PACIFIC GAMES COUNCIL (“PGC”) ‘oku ‘Ofisi ‘i Noumea, New Caledonia)
2. Kautaha Sipoti Pasifiki ‘a Tonga (TONGA PACIFIC GAMES ASSOCIATION) (“HOST PGA”) ‘a ai ‘oku fakafofonga’i ‘e he TASANOC mo e Komiti Fokotu’utu’u pea mo e;
3. Pule’anga Tonga (GOVERNMENT OF TONGA (“HOST GOVERNMENT”)
Ko e Konga VIII ‘o e Alepau ‘oku fekau’aki ia mo hono fakangata ‘a e Aleapau ko’eni (Suspension and Termination).
Ko e Kupu 34 Kupu Si’i 1.124 leva ‘o e Aleapau ko’eni ‘oku ne fakahā mahino mai ‘a e ongo me’a ko’eni ‘e 2 :-
‘Oku mafai ‘a e Kosilio Sipoti ‘a e Pasifiki ke fakangata (terminate) ‘a e Aleapau ko’eni kapau :-
1. Ko e fonua ‘oku fakahoko kiai ‘a e Sipoti (Host) ‘i ha fa’ahinga taimi kimu’a pea fakaava ‘a e Sipoti pe koe lolotonga ‘a e Sipoti ‘oku hoko ai ha tau pe koha tu’unga fakatu’utamaki mo moveuveu; pe
2. Kuo fakahoko ‘e he Kautaha Sipoti ‘a e Pasifiki ‘i Tonga (TASANOC) pe koe Komiti Fokotu’utu’u (Organizing Committee) hano mamau’i ‘a e aleapau ko’eni pea ‘e tukuange ‘a e ‘aho ‘e 45 ke fakalelei’i ai hili hano tufa ange ha fakatokanga (notice) mei he Kosilio Sipoti ‘a e Pasifiki. ‘E malava ke tu’utu’uni ‘a e Kosilio Sipoti ‘a e Pasifiki ke fakangata (terminate) ‘a e Aleapau kapau ‘e ‘ikai malava fakalelei’i ‘eni ‘i he ‘aho ‘e 45 koia.
34. Termination
1.124 The PGC may terminate this Contract and withdraw the Games from the HOST PGA and the OC if:
• the HOST Country at any time before the opening ceremony or during the Games, finds itself in a state of war (declared or undeclared) or in a situation recognised as one of belligerence; or
• the HOST PGA or the OC commit a material breach of this Contract or the Games Documents, provided that, in the case of a breach capable of remedy, the PGC will give written notice to both the HOST PGA and the OC specifying such breach and requiring that such breach be remedied within 45 days of service of the notice. Following service of such notice the PGC, the HOST PGA and the OC shall negotiate in good faith during the notice period to agree how the breach specified in the notice shall be remedied. The PGC may only exercise its right to terminate this Contract if such negotiations fail and the default is not remedied within such 45 days or such longer period as may be agreed.
Ko e fa’ahinga Aleapau foki ‘eni kene fakapapau’i ‘a e mafatukituki ‘o e fatongia ko’eni pea ‘oua tene uesia hano fakahoko ‘a e Sipoti ‘a e Pasifiki ha taimi.
‘I he taimi tatau koe fatongia foki ‘eni (obligation) pea ‘oku vilo pea vahevahe ‘e he ngaahi fonua ‘o e Pasifiki ‘a e fatongia mo hono mafatukituki ke talitali (host) ‘i he funga ‘o e fengāue’aki mo e makafetoli’aki koe vahenga (regionalism).
'Oku 'ikai foki ke puli ki he ngaahi fonua kuo fakahoko kiai 'a e Sipoti Pasifiki 'a hono ngaahi pole ka 'oku nau pole 'o makatu'unga 'i he fatongia kenau vahevahe 'a e mafasia 'o e langafonua ko'eni mo e fengaue'aki fakavahenga (regionalism) pe faka-Pasifiki (Pacific region).
Ko e me’a ‘oku mahino mai ‘i he tu’unga fakalao ‘o e Aleapau ko’eni ‘oku ‘ikai ke hoko ha tau ‘i Tonga ni pea ‘oku te’eki ke maumau’i ‘e he ongo sino fokotu’utu’u ‘a e Aleapau ko’eni ka koe loto pe ‘eni ia ‘o e Palēmia mo e Pule’anga ke holomui ‘a Tonga ni 'i he ngaahi 'uhinga kuo 'osi tuku mai pea fai hono taukapo'i 'e he Pule'anga.
Ko e Aleapau ko’eni ‘oku fakalao (Binding) pea ‘oku mahino mai ko e holomui ko'eni 'a e Pule'anga Tonga oku ne maumau’i ai 'a e Aleapau ko'eni he koe Fa'ahi a hono 3 ki he Aleapau ni.
‘I he’ene pehe leva tetau kei fua pe ‘a e kavenga faka-pa’anga ‘o e Sipoti 2019 tatau ai pe e ‘e fakahoko ki Ha’amoa pe ko Fisi ‘o fakatatau ki he ngaahi tu'utu'uni mo e 'uhinga 'o e Aleapau Sipoti 2012.
'Oku mahino lelei pe foki 'a e 'uhinga 'o e Aleapau ko'eni pea moe ngaahi tu'utu'uni ki hono mamau'i 'a ia na'e fatu kene malu'i 'a e Sipoti mo hono ngaahi taumu'a kau ai mo e ngaahi me'a faka-pa'anga pea ko 'ene toki hoko 'eni hano mamau'i 'i he hisitōlia 'o e Sipoti ni.
‘Oku lolotonga fakahoko foki ‘e he Kosilio Sipoti ‘a e Pasifiki ‘a e ngāue fakalao ki he me’a ni hange koia kuo nau talaki ki he ngaahi mitia ka 'oku mahino 'oku kau kiai mo e Konga VIII Kupu 34 Kupu Si’i 1.124 ‘o e Aleapau Sipoti ‘o e ‘aho 9 ‘Okatopa 2012.
12 comments
-
Ko e faka'ilo he PG Council (PGC) pea toki PGC hono foaki atu pa'anga ki he fonua tene host PG 2019 'a ia ko Ha'amoa....ma'u taha 'etau Ha'amoa ee
-
Oku osi mahino ia Mokofisi koe mea oku ou pehee atu ai "oku ikai ke mahino pe oku anga fakafefee".
-
KĀTAKI T. VAINI...'Oku 'ikai tu'utu'uni 'a e Kapineti ki he Fale Alea 'oku fa'ufa'u ai 'a ngaahi laó. 'Osi paasi ke fakahoko 'a e Sipoti 2019, pea ko e Fale Alea pē 'e lava 'o veteki ai 'o kapau na'e 'osi paasi pea tali 'a e patiseti ki ai.
-
Oku maalie anga e fepikitaki a e ngaahi issue.
1. Fakafoki ehe Kapineti a e Contract ka oku ihe aleapau ia e fai e termination ia ehe TASANOC.
2. Ko eni kuo tuutuuni ehe Kapineti ia ke fakapekia e ngaahi Lao kotoa nae fakapaasi oku kaunga ki he Sipoti.
3. Ko e patiseti oku meimei lahi e ngaahi palani ia oku kaunga ki he sipoti aia nae a'u mai kihe Falaite oku teeki ai ke iai ha liliu kiai.
Ko e tuu leva kihe taimi ni oku ikai mahino pe oku tau lele fakafefee -
Malo ia Mark kapau 'oku pehee. Pea kuo totonu leva kia Sevele mo'ene kau tama ke nau faka'ilo e Pule'anga he koe solution 'ena kuo sipela lelei pe 'ehe contract hangee ko ho'o lau. Tuku e tohi tangi ia moe fakahela pea toe loloa. Koe nounou taha mo vave taha 'ena ke vete 'ehe contract na'e fai hono fakamo'oni.
-
'Io Hausia, 'oku 'I loto 'ihe contract 'ae ngaahi me'a kotoa ko eni.
-
Koe pehee koia: "... pea na'e mahino pe mei mu'a, ka holomui 'a Tonga mei hono host 'I Tonga ni 'e kei totongi pe 'e Tonga e fakamole ki hono fakalele e sipoti, pea 'e totongi ia kihe fonua tenau lotolahi ke fakahaofi e sipoti.".
Ka faingamalie pea 'omai ha fakamo'oni ki he lau ko'eni. A contract is a contract and if it is NOT in the contract then it is not in the contract.
Ka lava ia ko'ene toki mahino ia ki he motu'a ta'emahino ko'eni.
Malo, Hausia -
Koe ngaahi contract alea fakavaha;apule'anga eni ia 'oku tatau he ngaahi event fakavaha'apule'anga kotoa hange koe Olimipiki etc. pea na'e mahino pe mei mu'a, ka holomui 'a Tonga mei hono host 'I Tonga ni 'e kei totongi pe 'e Tonga e fakamole ki hono fakalele e sipoti, pea 'e totongi ia kihe fonua tenau lotolahi ke fakahaofi e sipoti. Koe ngaahi me'a malu'i ia ke malu'i'akie e sipoti mei ha holomui fakafokifa 'aha fonua hange ko eni 'oku fai 'ehe pule'anga ta'emahino ko eni. Koe me'a leva 'e hoko koe ma'u e monu'ia 'ehe fonua te nau takeover mei Tonga ni, pea si'isi'i 'aupito 'enau fakamole. Ko Tonga ni leva, te tau hala he fika moe laukonga. Miss out hotau kakai e faingamalie ko eni, miss out 'etau fanau, miss out e ngaahi pisinisi, tau kei hala ai pe moe naunau sipoti moe 'alu fakaholomui, pea tau kei totongi ai pe fakamole 'o hono fakalele e sipoti. Hange koe lau, the other host country will have everything to gain, and poor Tonga will have everything to lose.
Tau sio leva ki he poto hotau kau taki. Palemia fonu he loto kovi moe meheka, Minisita Lao 'ikai lava 'o lau e contract ke mahino, kau kapineti ketekovi mo sio ki he'enau lelei fakafo'ituitui pe 'a nautolu.
Mahalo pe kuo meimei mahino he taimi ni kihe kau ta'emahino. 'Oku 'ikai ke 'iai ha me'a koe holomui noa'ia. -
Malo hono tuku mai e fakakaukau ko'eni ka koe me'a 'e ua 'oku ou ki'i tokanga kiai.
'Uluaki, 'oku 'uhinga ki he ha kapau 'e kei totongi ai pe fakamole kapau 'e kei ta'ofi ai pe sipoti 'ehe kapineti/pule'anga? Hangee koe fakataataa ko'eni: 'Kapau 'e fai e sipoti 'i Tonga, 'oku 'iai e fakamole ki he nofo/accommodation pea moe kai 'ae kau sipoti. Pea koe me'ani 'e kei totongi ai pe fakamole ko'eni neongo kuo fai e sipoti ia ki Ha'amoa? Pea 'e totongi kia hai? Ki he hotele/motele? Pe ki he PGC?
Koia, fiema'u ke fakamahino'i (define) e 'uhinga e fakamole ko'eni 'e kei totongi ai pe pe koe 'uhinga ki he ha?
Ua, koe kupu ko'eni kuo talaki mai 'i 'olunga 'oku fekau'aki moe kapau 'e terminate 'ehe PGA 'ae sipoti. Ka 'oku 'IKAI foki maumau e kupu ia ko'eni 'i 'olunga he Koe terrminate foki ia ko'eni koe terninate ia 'ehe host PGA 'aia ko Tonga ni ia. Koia hangehange 'oku ngali ha (off the hook) pe pule'anga mei he fo'i laka ko'eni.
Mahalo pe 'oku toe 'iai ha ngaahi kupu kehe ka koe kupu ko'eni 'i 'olunga, 'oku ngali tu'u 'ataa pe pule'anga ia. Pea lava pe ke hala 'eku faka'uhinga he 'oku/na'e 'ikai ha'aku ako fakalao ka koe common sense pe. Ka 'e toki vete kotoa pe mei fale hopo kapau 'e a'u kiai.
Malo, Hausia. -
Kou tui pe koe tau fakalotofonua koeni fakava'e ehe lotokokovi e kaunga tonu pe ia kihe Kupu 34 si'i 1.124 oe host contract. Oku toe tau moe Kapineti ia ka koe fepaki ia a e mafai moe manavahe he fai ha me'a he kuo ofi e fili. Oku toe tau foki moe kau poupou koe lahi a e taemahino moe ma'uhala.
Kole atu Etita ke fakasio he Aleapau ha Kupu tautea ko hotau fe'unga ia he koe revoke oe Contract nae ikai fai ia ehe TASANOC nae fai ia ehe Kapineti, pea ka oku iai ha moua kataki to'o atu he vahe a e Kau Minisita.