Puke 'e he kau polisi ongo tangata mo e faito'o konatapu Featured
3 'Aokosi, 2020. Na'e puke 'e he kulupu makehe 'a e Potungaue Polisi ki he faito'o konatapu (Police Drug Enforcement Taskforce) 'i he 'aho 30 'o Siulai ha tokoua 'a ia koe matapule ta'u 31 mei Hauloto pea moe matapule ta'u 30 mei Ma'ufanga mo e faito'o konatapu kalasi ko e methamphetamine.
Na'e mau foki 'i he ongo tangata ko'eni 'a e peketi 'e 7 'o e faito'o konatapu kalasi ko e methamphetamine 'a ia na'e fe'unga mo e kalami 'e 3.22 fakataha mo e ngaahi me'angaue ki hono faka'aonga'i 'o e faito'o konatapu.
Ko e konga foki 'eni 'o e ngaue 'a e kau polisi mo e kulupu makehe ko'eni ki hono muimui'i mo e feinga ke fakangata 'a hono tufaki mo hono ngaue'aki 'o e faito'o konatapu 'a ia koe taha ia 'o e ngaahi palopalema vivili taha 'i he fonua.
Ko e matapule ta'u 31 ko'eni mei Hauloto ko e 'ofisa polisi ka 'oku lolotonga fakamalolo'i fakataimi mei he ngaue.
'Oku lolotonga tauhi 'a e ongo tangata ko'eni he malumalu 'o e kau polisi lolotonga ia 'oku kei hokohoko atu pe 'a e ngaue ki he'ena keisi.
'Oku mahino foki mei he Fakamaau'anga 'a e fakautuutu 'a hono ma'u mo hono tufaki 'o e faito'o konatapu 'i he fonua ni 'a ia 'oku fai e tokangha makehe kiai 'a e Potungaue Polisi mo e Fakamaau'anga.
