Toe ma’u faito’o konatapu ‘i Sopu Featured
16 Siulai, 2018. Na’e toe puke ‘e he kau polisi ‘i he uike kuo ‘osi ha tokoua ‘i Sopu ki hono ma’u mo tauhi a e faito’o ko e ‘aisi pe koe methamphetamine.
Ko hono puke ‘o e tokoua ko’eni ko e matapule ta’u 29 ‘a ia na’e ma’u fakataha ia moe methamphetamine kalami ‘e 1.29 pehe ki he ngaahi milemila maliuana mo e ngaah fu’u ‘akau maliuana.
Ko e matapule ‘e taha na’e mai ai ‘a e methamphetamine kalami ‘e 0.39 na’a ne tauhi mo pule’i ‘i hono ‘api nofo’anga.
Fakatatau ki he fakamatala ‘a e Pule Polisi ‘Apitanga Polisi Nuku’alofa Acting Chief Superintendent Tevita Vailea na’e fakahoko ‘e he Potungaue ha tohi kumi koloa ‘o ma’u ai ‘a e faito’o konatapu ko’eni.
‘I he fakamatala ‘a Vailea ‘oku ngaue atu ‘a e kau polisi ke fakapapau’i ‘oku malu ‘a e sosaieti mei he fa’ahinga ‘oku nau fakahoko ‘a e fa’ahinga hia mo e ngaue pango ko’eni.
Na’a ne toe tapou ai ki he kakai ‘o e fonua kenau lipooti mai ki he Potungaue Polisi kapau ‘oku nau ‘ilo ki he fa’ahinga ngaue ta’e fakapotopoto ko’eni.
Ko e tokoua ko’eni kuo faka’ilo kinaua ki he hia ni pea ‘oku ‘i ai hona lekooti faihia ‘i he fa'ahinga hia natula tatau pe.
