Hu'u mai 'a Saikolone Gita ki Tonga: Fakatokanga Matangi mālohi ki he 'Otu Tonga Featured
11 Fepueli, 2018. Na’e mālō pe hao ‘a Niue mei he saikolone faka-talopiki ko Gita ‘anepō ka koe saikolone katekoli 3 ko’eni ‘oku ne taumu’a mai ‘i he lolotonga ni ki he ‘Otu Tonga pea ‘oku ‘alu ke toe malohi ange.
Na’e fou mai foki ‘a saikolone Gita ‘i Ha’amoa ‘Amelika mo Ha’amoa Hihifo pea na’a ne fakahoko ai ‘a e maumau ki he ongo fonua ni.
‘Oku ‘i ai ‘a e fakafuofua ‘e a’u ‘a Gita ki he ketikoli 4 ‘i he’ene a’u mai ki Tonga ni ‘okapau ‘e fou mai ai pe ‘i he halanga tatau.
‘Oku fakahoko ai ‘a e fakatokanga afā/matangi mālohi ki he ‘Otu Tonga ki he pongipongi ‘o e ‘aho Mōnite 12 ‘o Fepueli.
‘Oku ava ta’emalōlō‘a e Letiō Tonga pea ngāue mo e kau ngāue ‘a e va’a vakai matangi ‘i hono muimui’i ‘o e saikilone ni pehe ki hono ‘omai ‘a e ngaahi fakatokanga mo e ongoongo ki he kakai ‘o e fonua fekau’aki mo e saikolone ni.
1 comment
-
Tonga ketau lotu ke mo’oni, koe ‘a’ahi mai eni a Sihova oku angakehe. Tau vakai’i hotau ngaahi loto taki taha pe oku tau fakamu’omu’a e Otua pe ikai? Manatu’i koe Otua oku fua’a, pea oku ikai ke toe iai hano tatau. Ketau fakatomala o foki kakato kihe Eiki. Tukuange a mamani he’ikai ketau alu moe koloa, mafai moe veve ki Hevani.