Ikuna ‘e Nu’usila Ipu ‘a ‘Amelika (America’s Cup) ‘i he Lova ‘Iote ^Featured

Ko e lova foki ‘eni na’e fakahoko ‘i Bermuda ‘i he ‘Otu Kalipiane pea ko ‘Amelika foki ‘a e hau lolotonga ‘i he fe’auhi ko’eni.

Ko e fainolo foki ‘eni pea na’e ‘ikuna ‘e he Timi Nu’usila ‘a e Timi ‘a ‘Amelika ‘i he pongipongi ‘o e ‘aho ni ‘aki ‘a e lova ‘e 7 ki he 1.

“’Oku mau ‘i he tumutumu ‘o e mamani”, ko e fakamatala ia ‘a e kapiteni ‘a e Timi Nu’usila Peter Burling ki he ongoongo ‘a e Letiō Nu’usila.

‘Oku hoko ‘a e ikuna ko’eni kene fakafoki mai ‘a e loto mo’ua na’e hangē ha misi fakailifia ki he Timi Nu’usila hili ia ha’anau ‘ulungia ‘i he timi ‘Amelika ‘i he ta’u ‘e 4 kuo hili ‘aki ha lova ‘e 8 ki he 1.

Ko Ipu ‘a ‘America (America’s Cup) ko e ipu motu’a taha ia ‘i he fe’auhi sipoti fakavaha’a Pule’anga

Na’e ma’u fakamuimui foki ‘e he Timi Nu’usila ‘a e fe’auhi faka-hisitōlia ko’eni ‘i he ta’u 2003.